|
Xidmətlərimiz
|
|
|
|
Son Xəbərlər
18.05.2012
“Ekol Mühəndislik Xidmətləri” QSC yeni layihənin icrasını başlamışdır
ARDNŞ-nin fəaliyyət sahələrində ekoloji vəziyyətin yaxşılaşdırılması tədbirləri geniş miqyasda davam etdirilir. Bu tədbirlərin icrasında yaxından iştirak edən “Ekol Mühəndislik Xidmətləri” QSC ARDNŞ-nin Sosial İnkişaf İdarəsinin sifarişi ilə may ayında yeni bir layihənin icrasına başlamışdır. Bu “Sabunçu rayonu ərazisində Bakı Olimpiya Stadionunun tikintisi ilə əlaqədar ayrılmış ərazidən fekal suların kənarlaşdırılması” layihəsidir. ARDNŞ-nin Ekologiya İdarəsinin apardığı monitorinqin nəticələrinə görə ərazidə 588 min m3 fekal suları, 251 min m3 isə neftşlam müəyyən edilmişdir.
Layihəni icra edən QSC-nin Tullantıların emalı departamenti may ayının 8-dən işlərə başlamış, əraziyə Almaniya istehsalı, məhsuldarlığı 150 m3/saat olan bir ədəd “Millars”, məhsuldarlığı 285 m3/saat və 570 m3/saat olan iki ədəd “VX” nasosları gətirilmişdir. Gün ərzində 10 saat işləyən nasoslar və stasionar boru xətti vasitəsilə fekal sular birbaşa QSC-nin BNEZ-nun 9-cu sexinin ərazisində yerləşən mexaniki təmizləyici qurğularına ötürülür. Artıq icra müddətində 28 min m3-dən çox fekal suları təmizləyici qurğulara ötürülmüşdür.
Layihənin icrasının qısa müddətdə başa çatdırılması və operativliyin təmin edilməsi məqsədilə ərazidə bütün lazımı tədbirlər görülmüş, əlavə olaraq 600 metrə qədər 150 mm-lik ötürücü boru xətti çəkilmişdir. QSC-nin Tullantıların emalı departamenti layihə üzrə işləri yüksək templə davam etdirir.
|
|
|
|
|
ana səhifə
elanlar
əlaqə
Futzal
Alternativ Enerji
Bu maraqlıdır
