Xidmətlərimiz
|
|
|
|
“Ekol Mühəndislik Xidmətləri” QSC-nin əməkdaşları “Neftçilər günü” peşə bayramı münasibəti ilə “Fəxri Fərmana” layiq görülmüşlər.
|
Oktyabrın 19-da “Neftçilər günü” peşə bayramı münasibəti ilə neft-qaz sənayesində xüsusi xidmətlərinə görə SOCAR-ın Fəxri Fərmanı ilə təltif olunmuş bir qrup əməkdaşa Fəxri Fərmanların təqdim edilməsi mərasimi keçirilmişdir.
Təqdim olunanlar arasında “Ekol Mühəndislik Xidmətləri” QSC-nin iki əməkdaşı Baş direktorun İstehsalat üzrə müavini - Texniki direktor Məzahir Hüseynov və Tullantı Mərkəzinin rəis müavini Rəşad Rəcəbov da bu fəxri ada layiq görülmüşlər. Tədbiri giriş sözü ilə SOCAR-ın birinci vitse-prezidenti, akademik Xoşbəxt Yusifzadə açaraq, əsası xalqımızın ümummilli lider Heydər Əliyev tərəfindən qoyulmuş və hazırda möhtərəm Prezidentimiz İlham Əliyev cənablarının rəhbərliyi altında inamla davam etdirilən yeni neft strategiyasının uğurlarından danışmış, qazanılmış nailiyyətlərdə fədakar əməyi yüksək qiymətləndirmiş, təltif olunanları təbrik etmişdir. Kadr, rejim və informasiya texnologiyaları üzrə vitse-prezident Xalik Məmmədov şirkətin hazırda ölkə daxilində və xaricdə həyata keçirdiyi layihələrdən danışaraq, bu layihələrin icra olunmasında Azərbaycan neftçilərinin daha böyük uğurlara imza atacağını vurğulayaraq təltif olunanları təbrik etmiş, onlara yeni-yeni əmək nailiyyətləri arzulamışdır. Görüşdə “Ekol Mühəndislik Xidmətləri” QSC-nin Baş direktoru Ramil Əliyev iştirak etmişdir. Fəxri Fərmanla təltif olunanlar əməklərinə verilən yüksək qiymətə görə SOCAR rəhbərliyinə minnətdarlıqlarını bildirmişlər.
tarix : 23.10.2017
|
|
|
|
|
|
|