“Ekol Mühəndislik Xidmətləri” QSC-nin Baş ofisində və bütün istehsalat sahələrində Ekoloji Monitorinq Departamentinin və Texniki təhlükəsizlik şöbəsinin əməkdaşları tərəfindən “İSO 9001-2015 keyfiyyət idarəetmə sistemi” və “Fəaliyyətə risk yönümlü yanaşma” mövzusunda maarifləndirici məşğələlər keçirilmişdir.
Maarifləndirmə cəmiyyətin Baş ofisində, Tullantıların Emalı Departamentinin 3,4,5,6-cı (H.Əliyev adına NEZ-nun 9-cu sahəsinin ərazisi) sahələrində, Torpaqların Rekultivasiya Departamentinin xidmət göstərdiyi SOCAR-ın Qaz Emalı Zavodunun, Neft Kəmərləri İdarəsinin “Dübəndi Aşırma Sahəsi” və Ekologiya İdarəsinin “Tullantı Mərkəzi” də, “Azneft” İB-nin “Abşeronneft”, H.Z.Tağıyev adına, “BibiHeybətneft” NQÇİ-lərin istehsalat sahələrində keçirilmiş, hər iki mövzu haqqında iştirakçılara geniş izahat verilmişdir. Məşğələlərdə EMD-nin rəis müavini Natella Şəfiyeva və Təhlükəsizlik texnikası şöbəsinin rəisi Səbuhi Veysəlov iştirak etmişlər. “Ekol Mühəndislik Xİdmətləri” QSC-də maarifləndirici tədbirlər 23.10.2017-ci il tarixində başa çatmışdır.
tarix : 26.10.2017
|