“Ekol Mühəndislik Xidmətləri” QSC-nin Tullantıların Emalı Departamenti (TED) 2017-ci ilin III rübündə öz işini təsdiq olunmuş iş planına uyğun olaraq davam etdirmiş və “Sifarişçi” təşkilatların müqavilə öhdəliklərini müvəffəqiyyətlə yerinə yetirilmişdir.
III rübdə Heydər Əliyev adına NEZ-dan TED-nin 6-cı sahəsinin (NEZ-in 9-cu sahəsinin ərazisi) mexaniki təmizləyici qurğularına daxil olan 659 min 276 m3-dən çox sənaye çirkab suları neft məhsullarından və mexaniki qarışıqlardan (iyul ayında 260 797 m3, avqust ayında 188 811 m3, sentyabr ayında isə 209 668 m3 ) təmizlənmişdir.
Rüb ərzində TED-nin 3-cü sahəsinə “AAS-EKOL” MMC-dən müqavilə əsasında daxil olan 21 ton ərsin parafini sudan və mexaniki qarışıqlardan təmizlənmişdir. Texnoloji proseslər nəticəsində TED-nin 4-cü və 6-cı sahəsində formalaşan 9 min 940 tona qədər neftşlam müasir texnologiyalarla emal edilərək zərəsizləşdirilmişdir. Ötən üç ayda TED-nin 4-cü sahəsində də (Heydər Əliyev adına NEZ-in 9-cu sahənin ərazisi) işlər yüksək səviyyədə təşkil olunmuşdur. Bu müddət ərzində sahədə 861 000 m3 -ə qədər sənaye çirkab suları (iyul ayında 267 000 m3, avqust ayında 297 000 m3, sentyabr ayında isə 297 000 m3) təmizlənmiş, 2623 ton neftşlam emal edilərək zərərsizləşdirilmişdir. 2017-ci ilin III rübündə TED müqavilə əsasında SOCAR-ın Qaz Emalı Zavodu, Ekologiya İdarəsi, “Azneft” İB, Dövlət Xəzər Dəniz Gəmiçiliyi QSC, İxtisaslaşdırılmış Dəniz Neft Donanma İdarəsi, “Surakhany Oil Operation Company S.A.”, “AA Services”, “AAS-ATE” MMC, “AAS-EKOL” MMC və s. “Sifarişçi” təşkilatlara yüksək səviyyədə xidmət göstərmişdir. Rüb ərzində bu təşkilatlardan qəbul edilmiş 180 ton neftşlam, 3 min 103 m3 yağlı su, 28,48 ton yağlı torpaq, 922 m3 döşəməaltı-lyal axıntı suları, 5 min 894 m3 mədən axıntı suları və digər tullantılar mexaniki üsulla emal olunaraq zərərsizləşdirilmişdir. III rüb ərzində Tullantıların Emalı Departamentinə “Komleks Qazma İşləri” trestinin mədən ərazilərindən müqavilə əsasında daxil olan 640 m3 çirkab suları, 222 m3 yağlı su neft tullantılarından təmizlənmiş və SOCAR-ın Ekologiya İdarəsinin xidmət göstərdiyimiz Tullantı Mərkəzinə 484 ton qazma şlamı daşınmışdır. Bundan başqa xidmət göstərdiyimiz SOCAR-ın Ekologiya İdarəsinin Tullantı Mərkəzindən TED-ə daxil olan 260 m3 istehsalat çirkab suları mexaniki üsulla təmizlənmişdir. QSC-nin TED hazırda müxtəlif növ tullantıların idarə olunması, emal edilməsi və zərərsizləşdirlməsi sahəsində fəaliyyətini texnoloji reqlamentə uyğun olaraq yüksək səviyyədə davam etdirir.
tarix : 30.10.2017
|