|
İşçi personalın sağlamlığının qorunması, texniki təhlükəsizliyinin təmin edilməsi, iş şəraitlərinin yaxşılaşdırılması və onların sosial problemlərinin həlli "Ekol Mühəndislik Xidmətləri" QSC-nin fəaliyyətinin əsas prioritet istiqamətlərindən biridir. Bu sahədə ardıcıl məqsədyönlü tədbirlər həyata keçirilir. Bu tədbirlər sırasında işçilərin sağlamlığının qorunması və peşə xəstəliklərinin qarşısının vaxtında alınması məqsədilə, müəssisənin maliyyə vəsaiti hesabına işçi personalının ildə bir dəfə tibbi müayinədən keçirilməsinə xüsusi önəm verilir.
Bununla əlaqədar olaraq, QSC ilə MODERN HOSPİTAL klinikası arasında müvafiq müqavilə imzalanmış və bu müqaviləyə əsasən işçi personalı ildə bir dəfə bu klinikada tibbi müayinədən (Check Up) keçirilir. Eyni zamanda, QSC-nin Meqa Sığorta Şirkəti ilə bağladığı müqaviləyə əsasən işçilər tibbi sığorta ilə də təmin olunmuşlar.
Ənənəvi olaraq 2017-ci ilin oktyabr ayının 16-dan başlayaraq QSC-də çalışan işçilərin MODERN HOSPİTAL-da növbəti tibbi müayinəsinə başlanılmış və bu müddət ərzində 505 işçi personalı tibbi müayinədən keçmişdir. Tibbi müayinədən keçmiş işçilər zəruri hallarda MODERN HOSPİTAL-da, o cümlədən respublikamızda fəaliyyət göstərən bir çox müasir klinikalarda ödənişsiz müalicə kursları alır və lazımı dərman preparatları ilə təmin edilirlər.
“Ekol Mühəndislik Xidmətləri” QSC-də çalışan işçilərin sağlamlığının qorunması, iş şəraitlərinin yaxşılaşdırılması və sosial problemlərinin həlli növbəti illərdə də davam etdiriləcəkdir.
tarix : 18.12.2017
|
ana səhifə
Satınalma
əlaqə
Futzal
Alternativ Enerji
Bu maraqlıdır
