Yerinə yetirilən ekoloji monitorinq işləri zamanı müəssisələrdə formalaşan axıntı su nümunələri götürülmüş və EMD-nin Kompleks Tədqiqatlar Laboratoriyasında təhlil olunmuşdur. Laborator təhlillərin nəticələrindən asılı olaraq axarların ətraf mühitə fiziki–kimyəvi təsirinin təhlükəlilik dərəcəsi dinamikada öyrənilmişdir.

Rüb ərzində 266 axıntı su, neftlə çirklənmiş torpaq və neftşlam nümunələri üzərində 943 kimyəvi və fiziki-kimyəvi təhlillər aparılmış, 5 hesabat hazırlanaraq “Sifarişçi” təşkilatlara təqdim edilmişdir. Bunlardan dördü  ekoloji monitorinq və biri isə laborator xidməti üzrə olmuşdur.

  2017-ci ilin IV rübü ərzində “AzGerneft” MMC üçün, “Balakhanı Operating Company LTD” Şirkətinin Azərbaycan Respublikasındakı filialı üçün, “Suraxanı Oyl Opereyşn Kompani S.A.” Şirkətinin Azərbaycandakı Nümayəndəliyi üçün Atmosferə Atıla Bilən Tullantı Həddi, Tullantı Suları ilə Su Obyektlərinə Axıdılan Zərərli Maddələrin Buraxıla Bilən Axıntı Həddi və Atmosfer havasına atılan zərərli maddələrin, ona fiziki təsir mənbələrinin inventarlaşdırılması normativ–texniki sənədlər işlənmiş və “Sifarişçi”yə təhvil verilmişdir.

 “BOS Shelf” MMC üçün Su Təsərrüfatı Pasportunun işlənib hazırlanması üzrə müqavilənin ilkin variantı tərtib edilmişdir.

 İSO 9001, İSO 14001 standartlarının yeni versiyalarının tətbiqi ilə əlaqədar sənədlər toplusu işlənib hazırlanmışdır.

 İnteqrə edilmiş menecment sistemlərinin (İSO 9001, İSO 14001, OHSAS 18001) tələblərinə əsasən sifarişçi məmnunluğu öyrənilmiş, resurslardan istifadənin statistik diaqramları tərtib edilmişdir. 

 2017-ci ilin IV rübündə “Ekol Mühəndislik Xidmətləri” QSC-nin fəaliyyət sahələrində formalaşan tullantılar növlər üzrə çeşidlənərək xidmət göstərdiyimiz SOCAR-ın Ekologiya İdarəsinin “Tullantı Mərkəzi”nə təhvil verilmişdir.

Ekoloji Monitorinq Departamenti qarşıda duran vəzifələrin vaxtında və keyfiyyətlə yerinə yetirilməsi istiqamətində fəaliyyətini uğurla davam etdirir.