IV rübdə Heydər Əliyev adına NEZ-dan TED-nin 6-cı sahəsinin (NEZ-in 9-cu sahəsinin ərazisi) mexaniki təmizləyici qurğularına daxil olan 678 min 929 m3-dən çox sənaye çirkab suları neft məhsullarından və mexaniki qarışıqlardan (oktyabr ayında 234 302 m3, noyabr ayında 212 081 m3, dekabr ayında isə 232 546 m3) təmizlənmişdir.
Texnoloji proseslər nəticəsində TED-nin 4-cü və 6-cı sahəsində formalaşan 6 min 935 tona qədər neftşlam müasir texnologiyalarla emal edilərək zərəsizləşdirilmişdir.
Ötən üç ayda TED-nin 4-cü sahəsində (Heydər Əliyev adına NEZ-in 9-cu sahənin ərazisi) işlər yüksək səviyyədə təşkil olunmuşdur. Bu müddət ərzində sahədə 888 000 m3-ə qədər sənaye çirkab suları (oktyabr ayında 315 000 m3, noyabr ayında 290 000 m3, dekabr ayında isə 283 000 m3) təmizlənmiş, 2529 ton neftşlam emal edilərək zərərsizləşdirilmişdir.
2017-ci ilin IV rübündə TED müqavilə əsasında SOCAR-ın Qaz Emalı Zavodu və Ekologiya İdarəsi, “Azneft” İB, Dövlət Xəzər Dəniz Gəmiçiliyi QSC, İxtisaslaşdırılmış Dəniz Neft Donanma İdarəsi, “Surakhany Oil Operation Company S.A.”, “AA Services”, “AAS-ATE” MMC, “AAS-EKOL” MMC və s. “Sifarişçi” təşkilatlara yüksək səviyyədə xidmət göstərmişdir. Rüb ərzində bu təşkilatlardan qəbul edilmiş 607 ton neftşlam, 4 min 899 m3 yağlı su, 37,72 ton yağlı torpaq, 671 m3 döşəməaltı-lyal axıntı suları, 3 min 483 m3 mədən axıntı suları və digər tullantılar mexaniki üsulla təmizlənmişdir.
IV rüb ərzində Tullantıların Emalı Departamentinə “Kompleks Qazma İşləri” trestinin mədən ərazilərindən müqavilə əsasında daxil olan 790 m3 sənaye-çirkab və 243 m3 yağlı sular təmizləyici qurğularda təmizlənmişdir.
Bundan başqa xidmət göstərdiyimiz SOCAR-ın Ekologiya İdarəsinin Tullantı Mərkəzindən TED-ə daxil olan 1212 m3 istehsalat çirkab suları mexaniki üsulla təmizlənmişdir.
QSC-nin TED hazırda müxtəlif növ tullantıların idarə olunması, emal edilməsi və zərərsizləşdirlməsi sahəsində fəaliyyətini texnoloji reqlamentə uyğun olaraq yüksək səviyyədə davam etdirir.