Belə ki, TED-nin 5-ci sahəsində fəaliyyətdə olan “Alfa-Laval” şirkətinin dekanter, “Pieralisi” şirkətinin trikanter və Fox-15 separator qurğularının fasiləsiz işləməsi üçün əsaslı təmir işləri aparılmışdır. 

IV rüb ərzində TED-nin 6-cı sahəsindəki nasoslar elektrik idarəetmə sistemləri yenisi ilə əvəz olunmuş, 11, 12, 13 saylı nasosların giriş və çıxış siyirtmələri təftiş olunmuş, hissələri yağlanmış, kipkəclər təzələnmiş və digər nasazlıqlar aradan qaldırılaraq istismara buraxılmışdır.

Havaların soyuması və qış mövsümü ilə əlaqədar olaraq Elektromexanika sexinin işçiləri tərəfindən, Çiller sistemi kimyəvi üsulla yuyulmuş və donmanın qarşısını almaq üçün izolyasiya olunmuş, inzibati binanın sahəsində olan işıqlanma sistemi yenilənmiş, TED-nin 6-cı sahəsində istehsalata yararsız olan 300 mm-lik  neftşlam nəql edən boru xətti yenilənərək istismara verilmişdir.

Elektromexanika sexinin peşəkar mütəxəssisləri QSC-nin bütün istehsalat sahələrində olan qurğuların, avadanlıqların fasiləsiz işləməsi üçün təmir, təftiş işlərini yerinə yetirir və keyfiyyət göstəricilərinin artırılması istiqamətində fəaliyyətlərinin əzmlə davam etdirirlər.