Tədbirdə çıxış edən natiqlər qeyd etdilər ki, 1918 – ci ildə Bakıda və Azərbaycanın digər bölgələrində ermənilərin törətdikləri qırğınlardan 100 il ötməsinə baxmayaraq bu vəhşiliklər xalqın qan yaddaşında əbədi iz buraxmışdır. Ötən əsrin əvvəllərindən başlayaraq ermənilərin azərbaycanlılara qarşı həyata keçirdikləri amansız soyqırım  və deportasiya siyasəti 1918-1920 – ci illərdə  xüsusən genişlənmiş və onların Azərbaycan xalqını yer üzündən tam silmək kimi iyrənc niyyətləri üzə çıxmışdır. Həmin illərdə ermənilərin Azərbaycanda törətdikləri milli qırğın haqqında bizə çatan tarixi sənədlərdəki faktlar Bakıda, Şamaxıda, Qubada, Muğanda, Zəngəzur qəzasında, Qarabağda, İrəvan quberniyasında, Naxçıvanda və ölkənin digər ərazilərində azərbaycanlıların amansızlıqla qətlə yetirildiyini, şəhər və kəndlərin talan edilərək dağıdıldığını sübut edir.

Azərbaycan xalqına qarşı törədilmiş bütün soyqırım faciələrini qeyd etmək məqsədilə ümumilli lider Heydər Əliyevin 26 mart 1998 - ci il  “31 mart Azərbaycanlıların  Soyqırımı haqqında” Fərmanına əsasən 31 mart Azərbaycanlıların soyqırımı günü elan edilmişdir. 1998 - ci ildən bəri Respublikamızda 31 mart hər il Azərbaycanlıların soyqırımı günü  kimi dövlət səviyyəsində qeyd edilir. Gələcəkdə bu kimi halların baş verməməsi üçün biz gənc nəsli vətənpərvərlik, mübarizlik ruhunda tərbiyə etməliyik. Anım tədbirində qeyd olunmuşdur ki, Azərbaycan Respublikasının Prezidenti cənab İlham Əliyevin apardığı uğurlu siyasət nəticəsində  erməni millətçilərinin bu soyqırım zamanı iç üzləri açılmış, onların siyasi riyakarlığı, əsrlərdən bəri həyata keçirdikləri işğalçılıq siyasəti dünya ictimaiyyətinə olduğu kimi çatdırılmışdır.

Tədbirdə çıxış edənlər, tədbir iştirakçıları bütövlükdə ermənilərin vandalizm və işğalçı siyasətinə sonsuz qəzəb hissi ilə öz etirazlarını bildirdilər və soyqırım qurbanlarının əziz xatirəsini bir dəqiqəlik sükutla yad etdilər. 31 mart Azərbaycanlıların soyqırımı ilə bağlı QSC-nin baş ofisində və istehsalat sahələrində stendlər təşkil olunmuş, stendlərin önünə gül dəstələri düzülmüşdür.

    Enerji mənbəyi kimi tükənən - bərpa olunmayan...