Ekoloji monitorinq

Laboratoriya xidmətləri

Ekoloji normativ – texniki sənədlərin işlənib hazırlanması

Sənaye-çirkab, tullantı və məişət-fekal suların təmizlənməsi

Parafinin təmizlənməsi

Neftşlamın emalı və zərərsizləşdirilməsi

Neftlə çirklənmiş torpaqların rekultivasiyası, bioremediasiyası

Qazma şlam qutularının (DCB) icarəyə verilməsi

ƏMTQ sənədlərinin hazırlanması

05.12.2012 Respublikamızda, xüsusilə Bakı şəhərində infrastruktur sürətlə inkişaf edir, yeni müasir binalar, yol qovşaqları və dövlət əhəmiyyətli obyektlər biri birinin ardınca istifadəyə verilir. Yaxın gələcəkdə tikintisinə başlanılacaq Bakı Olimpiya Stadionu da bu qəbildən olan tikililərdən biridir. Artıq cari ilin may ayından başlayaraq Stadionun tikiləcəyi ərazidə süni gölməçələrin qurudulması və torpaqlama işlərinə başlanmışdır. Bu işlərin icrası isə ARDNŞ-nə həvalə edilmişdir.

03.12.2012 “Ekol Mühəndislik Xidmətləri”m QSC-nin 2010-cu ilin fevral ayından icrasına başladığı Bakı Ağ Şəhər layihəsi üzrə “Yaşıl ada” ərazisindəki köhnəlmiş neft sənaye obyektlərindən neftşlamın çıxarılması, anbarlaşdırılması və ərazidəki neftlə çirklənmiş torpaqların təmizlənməsi işləri uğurla icra olunur.

30.11.2012 "Ekol Mühəndislik Xidmətləri" QSC öz fəaliyyətində dünyanın inkişaf etmiş dövlətlərində ekoloji yönümdə fəaliyyət göstərən şirkətlərinin təcrübələrindən yararlanmaq və bu şirkətlərin istehsal etdikləri səmərəli qurğuları və məhsulları istehsalata tətbiq etmək istiqamətində səylərinin günü-gündən artırır. Elə bu məqsədlə də QSC-də mütəmadi olaraq xarici şirkətlərlə görüşlər keçirilir, fikir mübadiləsi aparılır və əməkdaşlıq əlaqələrinin istiqamətləri müəyyən edilir.

29.11.2012 Noyabrın 28-də QSC-nin baş ofisində İtaliyanın Foster Wheeler şirkətinin nümayəndələri ilə görüş keçirilmişdir. Tanışlıq xarakteri daşıyan görüşdə Foster Wheeler şirkətinin Ekoloji Departamentinin kommersiya əməliyyatları üzrə Meneceri Stefano Donzeli, şirkətin Azərbaycan nümayəndəsi Fərhad Qasımov, eləcə də QSC-nin baş direktoru Ramil Əliyev, baş direktorun müavinləri Məzahir Hüseynov, Rəşad İsmayılov və aidiyyəti departament, şöbə rəisləri iştirak etmişlər.

28.11.2012 Fəaliyyətində beynəlxalq standartların tələblərinə ciddi əməl edən "Ekol Mühəndislik Xidmətləri" QSC bütün sahələrdə olduğu kimi, Ekoloji Monitorinq Departamentini Kompleks tədqiqatlar laboratoriyasının (KTL) fəaliyyətinin də beynəlxalq standartlar səviyyəsində tənzimlənməsinə böyük önəm verir. Bu məqsədlə KTL dövrü Akkreditasiyadan keçirilir.

28.11.2012 Futzal üzrə Azərbaycan Çempionatının II dövrəsinə start verilmişdir. Hazırda Çempionatın turnir cədvəlində 2-ci yerə sahiblik edən "Ekol" MFK II dövrənin I turunda "Şəmkir" komandası ilə qarşılaşmışdır. Noyabrın 23-də, Bakı İdman Oyunları Sarayında gərgin mübarizə şəraitində keçən bu görüşdə "Ekol" MFK "Şəmkir" komandasını 29:0 hesabı ilə məğlub etmişdir.

27.11.2012 Noyabrın 26-da Avropa Hotelinin "Baku Ball ROOM" zalında Xəzər-Avropa İnteqrasiya İşgüzar Klubunun təşkilatçılığı ilə Klub üzvlərinin Azərbaycan respublikası Dövlət Neft Şirkətinin Geologiya, geofizika və yataqların işlənməsi üzrə Birinci Vitse-prezidenti, Akademik Xoşbəxt Yusifzadə ilə görüşü keçirilmişdir. Görüşə Klub üzvləri olan müxtəlif şirkətlərin rəhbər işçiləri qatılmışlar.

26.11.2012 "Ekol Mühəndislik Xidmətləri" QSC-də çalışan işçi personalın və dövlət əmlakının yanğından mühafizəsinin təmin olunması və bu sahədə qabaqlayıcı tədbirlərin həyata keçirilməsi daimi diqqət mərkəzindədir. Bu məqsədlə QSC-nin Texniki təhlükəsizlik şöbəsi tərəfindən işçilərin maarifləndirilməsi üçün vaxtaşırı treninqlər, praktiki məşğələlər və dərslər keçirilir.

21.11.2012  “Iteca Caspian” şirkətinin təşkilatçılığı və Azərbaycan Respublikası Ekologiya və Təbii Sərvətlər Nazirliyinin dəstəyi ilə, “Bakı Ekspo Mərkəzi" də ətraf mühitin mühafizəsinə həsr olunmuş “Xəzər: Ətraf Mühit üçün Texnologiyalar” (CTE) 3-cü Beynəlxalq Ətraf Mühit Sərgisi noyabrın 21-də öz işinə başlamışdır.

20.11.2012 ARDNŞ-nin neft-qaz sənayesi sahələrində ekoloji problemlərin həlli və ətraf mühitin mühafizəsi sahəsində həyata keçirdiyi məqsədyönlü tədbirlər nəticəsində uğurlu nailiyyətlər əldə edilmişdir. Bu nailiyyətlər sırasında neft-qaz sənayesi sahələrində yaşıllıqların salınması və inkişaf etdirilməsi xüsusi əhəmiyyət kəsb edir. Bununla əlaqədar olaraq “Ekol Mühəndislik Xidmətləri” QSC-nin də fəaliyyətinin əsas istiqamətlərindən biri neft sənayesi sahələrinin reabilitasiya olunmuş ərazilərində yaşıllıqların salınması və bitkilərə aqrotexniki xidmətlərin göstərilməsidir.

19.11.2012         Türkiyənin HAUS şirkətinin dəvəti ilə neft şlamların emalı texnologiyaları ilə yaxından tanış olmaq məqsədilə, QSC-nin baş direktoru Ramil Əliyev və baş direktorun istehsalat üzrə müavini-Texniki direktor Məzahir Hüseynov 14-15 noyabr 2012-ci il tarixlərdə Türkiyənin İzmir şəhərində xidməti ezamiyyətdə olmuşlar.

15.11.2012       Noyabrın 15-də QSC-nin baş ofisində  YAP-nın  20-ci  ildönümü  və Milli Dirçəliş Günü ilə əlaqədar geniş  tədbir keçirilmişdir. Tədbirdə YAP "Ekol" ilk ərazi  təşkilatının üzvləri  və Nizami rayon təşkilatı Aparatının rəhbəri Ramil Vəlibəyov  iştirak etmişlər.

13.11.2012  Noyabrın 12-də “Ekol Mühəndislik Xidmətləri” QSC-nin baş ofisində Almaniyanın “AWAS” firmasının  nümayəndələri ilə  növbəti görüş keçirilmişdir.  Görüş  “AWAS”  firmasının istehsal etdiyi  su təmizləyici qurğuları ilə tanış olmaq məqsədi ilə təşkil olunmuşdur. Görüşdə "AWAS" firmasının   sahibi Xaints İnne, satış üzrə direktor Vadim  Loboyka, firmanın Azərbaycan nümayəndəsi Fuad Həmidov, QSC-nin baş direktorunun istehsalat üzrə müavini-Texniki direktor Məzahir Hüseynov, baş direktorun SƏTƏM üzrə müavini   Rəşad İsmayılov, aidiyyatı departament və şöbə rəisləri iştirak emişlər.

13.11.2012 Azərbaycan öz müstəqilliyini əldə etdikdən sonra yeni Konstitusiyanın hazırlanmasına zərurət yaranmışdır. Bununla əlaqədar olaraq ulu öndər Heydər Əliyev başda olmaqla xüsusi komissiya yaradıldı və Konstitusiya layihəsi ümumxalq müzakirəsinə verildi. Nəhayət, 1995-ci il noyabrın 12-də ümumxalq referendumu ilə Müstəqil Azərbaycanın ilk Konstitusiyası qəbul edildi. Həmin ildən bu əlamətdar gün respublikamızın hər yerində təntənə ilə qeyd olunur.

12.11.2012 “Ekol Mühəndislik Xidmətləri” QSC dünyanın qabaqcıl ölkələrində istehsal olunan, iqtisadi, ekoloji cəhətdən daha səmərəli, daha məhsuldar qurğuların və texnologiyaların əldə olunması sahəsində axtarışlarını davam etdirir. Bu məqsədlə dünyanın analoji şirkətləri ilə işgüzar əlaqələr yaradılır, vaxtaşırı görüşlər keçirilir və QSC nümayəndələrinin aidiyyəti beynəlxalq sərgilərdə iştirakı təmin olunur.

07.11.2012 Öz fəaliyyətini beynəlxalq standartların tələbləri səviyyəsində quran “Ekol Mühəndislik Xidmətləri” QSC-də işçi personalın beynəlxalq idarəetmə sistemləri, əməyin mühafizəsi, texniki təhlükəsizlik və daxili intizam qaydaları üzrə maarifləndirilməsi üçün ardıcıl tədbirlər həyata keçirilir. Bu məqsədlə, QSC-nin baş direktorunun müvafiq əmri ilə 06.11.2012 - 20.11.2012 ci il tarixlərdə növbəti dəfə işçi personalın maarifləndirilməsinə başlanmışdır. Ekoloji Monitorinq Departamenti (EMD) tərəfindən hazırlanmış və təsdiq olunmuş qrafik və proqrama uyğun olaraq maarifləndirmə tədbirləri bütün struktur bölmələrini əhatə etmişdir.

07.11.2012 Payız-qış mövsümünə hazırlıqla əlaqədar QSC-nin bütün istehsalat sahələrində cari təmir və abadlıq işləri böyük vüsət almışdır. Bu mövsümdə istehsalatın fasiləsizliyinin təmin olunması, inzibati və yardımçı binaların istiliklə təmin edilməsi, baş verə biləcək fövqəladə hallarda qabaqlayıcı tədbirlərin görülməsi istiqamətində işlər yüksək səviyyədə həyata keçirilir.

05.11.2012 "Ekol Mühəndislik Xidmətləri" QSC öz fəaliyyət sahələrində və ətraf ərazilərdə ekoloji vəziyyətin yaxşılaşdırılması istiqamətində daimi məqsədyönlü tədbirlər həyata keçirir. Orta hesabla bir ayda Heydər Əliyev adına BNEZ-nun və "Azərneftyağ" NEZ-nun 1 milyon 900 m3-ə qədər sənaye-çirkab sularının normaya uyğun təmizlənməsi, 3 min tona qədər neft şlamın emal edilməsi, NQÇİ-nin mədən ərazilərində neftlə çirklənmiş torpaqların təmizlənməsi, mexaniki təmizləyici qurğularda və tutumlarda uzun illər yığılıb qalmış neftşlamların emal edilməsi və s. bu kimi tədbirlər məhz ekoloji vəziyyətin yaxşılaşdırılmasına yönəldilmişdir.

01.11.2012  Ötən illərdə "Ekol Mühəndislik Xidmətləri" QSC-nin həyata keçirdiyi prioritet ekoloji layihələrdən biri də H.Z.Tağıyev adına NQÇİ-nin mədən ərazisində (Qala sahəsində) neftlə çirklənmiş torpaqların təmizlənməsi və neftşlamın bioremediasiyası layihəsi olmuşdur. Layihə işləri 9 hektar sahəni əhatə etmiş, 4.5 hektar ərazidən 37 min m3-ə qədər neftşlam çıxarılaraq xüsusi ayrılmış sahədə bioremediasiya olunmuş və ərazidə mexaniki rekultivasiya işləri yerinə yetirilmişdir.

30.10.2012 Qələbəyə döğru inamla addımlayan "Ekol" MFK futzal üzrə Azərbaycan Çempionatının V turunda növbəti qələbəsini qazanmışdır. Oktyabrın 24-də V turda "Qarabağ veteranları" komandası ilə qarşılaşan "Ekol" rəqib komandanı 12:0 hesabı ilə məğlub etmişdir. Xatırladaq ki, bu ilki çempionatda komandamız yalnız "Araz" komandasına məğlub olmuş, digər komandalarla görüşləri isə qələbələrlə başa vurmuşdur.