“Ekol Mühəndislik Xidmətləri” QSC-nin Eko - Park İnnovasiya Mərkəzində Qlobal Metanın Azaldılması (Advancing Global Methane Reduction-AGMR) təşəbbüsünə dair beynəlxalq tədbir keçirilmişdir.
23 aprel 2024-cü il tarixində SOCAR və BP şirkətinin təşkilatçılığı ilə Cəmiyyətin Eko - Park İnnovasiya Mərkəzində “Metan Rəhbər Prinsipləri” (“Methane Guiding Principles”-MGP) çərçivəsində həyata keçirilən Qlobal Metanın Azaldılması təşəbbüsünə dair beynəlxalq tədbir keçirilmişdir.
Tədbirdə SOCAR-ın, BP şirkətinin, Beynəlxalq Enerji Agentliyinin, BMT-nin Ətraf Mühit Proqramının, Beynəlxalq Neft və Qaz İstehsalçıları Assosiyasının (İOGP), Neft - Qaz İqlim Təşəbbüsünün (OGCİ) və “Ekol Mühəndislik Xidmətləri” QSC-nin nüməyəndələri iştirak etmişlər.
Metan emissiyalarının Monitorinqi və Metan Emissiyalarının azaldılması seminarları tədbirin əsas mövzusu olmuşdur.
Seminarlar zamanı metan emissiyalarının ölçülməsi, inventarlaşdırtılması, emissiyaların monitorinqi prosesində müasir texnologiyaların rolu, sızmaların azaldılması üçün mümkün həll yolları, bu sahədə ən yaxşı texnologiya və təcrübələr, “LDAR” layihələrinin icrası, habelə texniki yardım və layihələrin maliyyələşdirilməsinə dair məruzələr edilmiş və qarşılıqlı müzakirələr aparılmışdır.
Bu baxımdan sözügedən tədbirin əsas məqsədi neft-qaz əməliyyatlarında metan emissiyalarının azaldılmasına dair qabaqcıl bilik və bacarıqların təkmilləşdirilməsi, ölçülməsi, hesabatlığı, habelə mövcud ən yaxşı texnologiyaların tətbiqini dəstəkləməkdən ibarət olmuşdur.
Tədbirin sonunda Azərbaycan Respublikası Prezidentinin ölkəmizdə 2024-cü ilin “Yaşıl dünya naminə həmrəylik ili” elan edilməsi haqqında Sərəncamının icrası ilə əlaqədar QSC-nin Eko – Park İnnovasiya Mərkəzinin ərazisində təbiətin qorunmasına töhfə vermək, ətraf mühiti sağlamlaşdırmaq, yaşıllıqları artırmaq, ekoloji tarazlığın bərpasına kömək etmək, atmosferi oksigenlə zənginləşdirmək məqsədilə ağacəkmə aksiyası keçirilmiş, sərv ağacı əkilərək suvarma və abadlıq işləri aparılmışdır.
ana səhifə
Satınalma
əlaqə
.jpg)
Futzal
Alternativ Enerji
Bu maraqlıdır
