"Ekol Mühəndislik Xidmətləri" QSC-nin istehsalat sahələri yaşıllıqlara bürünür.
QSC-nin istehsalat sahələrində
neftşlamın emalı və sənaye-çirkab sularının təmizlənməsi zamanı
atmosferə atılan tullantıların zərərsizləşdirilməsi və ətraf mühitin
sağlamlaşdırılması məqsədilə yaşıllıqların salınması sahəsində ardıcıl
tədbirlər həyata keçirilir. Müəssisənin ekoloji tədbirlər planına uyğun olaraq cari
ilin yaz mövsümində istehsalat sahələrində 600 ədəd bəzək, 470 ədəd
meyvə ağacları, 1200 ədəd gül və 720 ədəd bəzək kolları əkilmiş, 2400 m2 sahədə isə qazonlar salınmışdır.
Mütəxəssislər tərəfindən ərazidə təcrübə üçün əkilmiş
pomidor kolları bol məhsul vermişdir. Yaşıllıqların əkildiyi ərazidə
çiləmə üsulu ilə suvarma sistemləri quraşdırılmışdır.
Müəssisənin istehsalat sahələrində əkilmiş yüzlərlə
ağaclara, gül və bəzək kollarına, qazonlara xüsusi qrup mütəxəssislər
tərəfindən aqrotexniki xidmət göstərilir. QSC də formalaşdırılmış, aqronomlardan, bioloqlardan,
bağbanlardan və mütəxəssislərdən ibarət qrupun ərazidə dünya
praktikasına uyğun becərdikləri, göz oxşayan yaşıllıq mənzərələri,
yetişdirdikləri güllər və meyvə ağacları onların təcrübəsinin bariz
nümunəsidir.
tarix : 18.07.2008
|