"Ekol Mühəndislik Xidmətləri" QSC-nin əsas fəaliyyət sahələrindən biri də torpaqların remidasiyası və rekultivasiyasıdır. Bu işlərin həyata keçirilməsi məqsədilə 2008-ci ilin may ayında QSC-nin "Torpaqların Rekultivasiyası Departamenti" (TRD) yaradılmışdır.
       2008-ci ildə QSC ilə "Azneft" İstehsalat Birliyi arasında bağlanmış müqaviləyə əsasən TRD may ayında "Bibiheybətneft" NQÇİ-nin mədən ərazilərində layihə-smeta sənədlərinə uyğun olaraq (79,71ha, 86,43ha, 62,14ha, və 16,54ha) "İcraçı" qismində rekultivasiya işlərinə başlamışdır.
       Rekultivasiya işlərinin həcmindən və üsullarından asılı olaraq əraziyə çoxlu sayda müasir tipli maşın-mexanizmlər, buldozerlər, ekskavatorlar və yük maşınları cəlb olunmuş, rekultivasiya işləri yüksək səviyyədə həyata keçirilmişdir.
       2008-ci ildə TRD tərəfindən "Bibiheybətneft" NQÇ-nin 79,71 ərazisində 342 000 m², 86,43 ərazisində 68 782 m², 16.54 ərazisində 11 000 m², 62,14 ərazisində 18 813 m², şlam anbarında 18 813 m², ümumilikdə 440 595 m² neftlə çirklənmiş mədən əraziləri rekultivasiya olunaraq "Sifarişçi"yə təhvil verilmişdir.
       Bununla yanaşı TRD "Bibiheybətneft" NQÇİ -nin 13.88 ha ərazisində neftşlamın müvəqqəti saxlanılması üçün bənd - tikinti işlərini də həyata keçirmişdir.
       TRD tərəfindən "Bibiheybətneft" NQÇİ-nin rekultivasiya işləri aparılmış ərazilərində ARDNŞ-nin Ekologiya İdarəsi müvafiq monitorinq işləri keçirmiş və öz müsbət rəyini bildirmişdir.
       2009-cu ildə isə TRD müqaviləyə əsasən "Salyan OyL" LTD -nin istismarında olan Qarabağlı və Kürsəngi yataqlarının mədən ərazilərində formalaşan karbohidrogen əsaslı qazma şlamının rekultivasiya işlərinə başlayacaqdır.