Futzal üzrə Azərbaycan kuboku uğrunda yarışlar sona çatmaq üzrədir. "Ekol" komandası bu yarışlarda növbəti görüşünü yanvarın 24-də "Qarabağ veteranları" komandası ilə keçirmişdir.
Bu oyunda komandamızın aramsız hücumlarına məruz qalan "Qarabağ" komandası öz qapısından 17 top buraxmış, qarşı tərəfin qapısına isə cəmi 2 top vurmağa müvəffəq ola bilmişdir. Beləliklə bu görüşdə "Ekol" komandası 17: 2 hesabı ilə qələbə çalmaqla yarışın final mərhələsinə keçmək şansını xeyli dərəcədə artırmışdır.
Xatırladaq ki, final mərhələsindən əvvəl yarış cədvəlinə başçılıq edən "Araz" komandası "Buta" komandası ilə görüşəcəkdir. Bu görüşdə "Buta" komandası məğlub olduğu halda (çox böyük ehtimalla) komandamız yarımfinal mərhələsinə vəsiqə alacaqdır.
Hazırda Bakı şəhərində futzal üzrə beynəlxalq yarışların keçirilməsi ilə əlaqədar olaraq Azərbaycan kuboku uğrunda yarışlara bir qədər ara veriləcəkdir.