Xəbər verildiyi kimi "Ekol Mühəndislik Xidmətləri" QSC ilə BP exploration (CASPİAN SEA) Limited Şirkəti arasında bağlanmış müqaviləyə əsasən, BP Şirkətinin nefti nəql etmə prosesində formalaşan parafini QSC-yə təhvil verilir.
"Sifarişçi"dən qəbul edilmiş parafin QSC-nin Tullantıların Emalı Departamentinin "Parafin təmizləmə sexi" də müasir texnologiyalarla və yüksək keyfiyyətlə təmizlənir.
Parafinin təmizlənmə proseslərinə nəzarəti təmin etmək və texnoloji proseslərin təkmilləşdirilməsinə dair fikir mübadiləsi aparmaq məqsədilə, BP exploration (CASPİAN SEA) Limited Şirkətinin əməkdaşları vaxtaşırı "Ekol Mühəndislik Xidmətləri" QSC-də olurlar.
Növbəti dəfə fevralın 4-də BP şirkətinin bir qrup əməkdaşı QSC-də olaraq, parafinin təmizlənmə prosesi ilə yaxından tanış olmuşlar. Onlar təmizlənmə prosesinin keyfiyyətlə aparıldığından razı qaldıqlarını bildirmiş, bununla yanaşı, parafinin yuyulma prosesinin daha da təkmilləşdirilməsi və əlavə drenaj xəttinin çəkilməsinə dair öz təkliflərini vermişlər.
BP Şirkətinin və QSC-nin əməkdaşları bir çox sahələrdə fikir mübadiləsi apararaq, BP Şirkətinin maraqlarına cavab verən və gələcək əməkdaşlıq münasibətləri üçün QSC-nin istehsalat sahələrində əlverişli şəraitin olduğunu xüsusilə qeyd etmişlər.