"Ekol mühəndislik Xidmətləri" QSC 2009-cu ilin III-cü rübünündə də öz fəaliyyətini əvvəlki rejimdə davam etdirərək "Sifarişçi" təşkilatlarla olan müqavilə öhdəliklərini uğurla yerinə yetirmişdir.
       Cari ilin III-cü rübündə QSC-nin Tullantıların emalı departamentinin (TED) 6-cı sahəsində Heydər Əliyev adına BNEZ-nun 2 milyon 500 min m³ , 7-ci sahəsində isə "Azərneftyağ" NEZ- nun 2 milyon 457 m³ sənaye çirkab suları təmizlənmiş, müvafiq olaraq 6-cı sahədə 1 130 ton, 7-ci sahədə isə 1 445 ton neftşlam emal olunaraq zərərsizləşdirilmişdir. Bu müddətdə BP exploration (CASPİAN SEA) Limited Şirkətindən daxil olan 39.8 m³ parafin təmizlənmişdir.
       Hesabat dövründə QSC-nin "Sifarişçi" təşkilatlarından olan "Suraxanı OİL" LTD-nin mədən ərazilərindən 7 779 m³ lay suyu, İxtisaslaşdırılmış Dəniz Neft Donanmasından 729 m3 döşəməaltı lyal su, Abşeron tullantıların emalı MMC-dən isə 171 m³ neftli - yağlı su QSC-nin istehsalat sahələrinə daşınaraq təmizlənmişdir.
       Torpaqların rekultivasiyası departamenti III-cü rübdə müqaviləyə uyğun olaraq, "Salyan OİL" LTD-nin mədən ərazilərində layihənin son mərhələsini, bioloji rekultivasiya işlərini başa çatdıraraq 8 hektar sahədə arpa əkininə başlamışdır.
       QSC-nin Ekoloji monitorinq departamenti də III-cü rübdə öz müqavilə öhdəliklərini layiqincə yerinə yetirmişdir. Bu dövrdə "Sifarişçi" təşkilatların istehsalat sahələrində fasiləsiz olaraq ekoloji monitorinq işləri aparılmış, 11 təşkilatın su təsərrüfatı pasportu, 2 təşkilatın isə YVTH normativ texniki sənədləri hazırlanaraq "Sifarişçi"yə təhvil verilmiş, Departamentin KTL yenidən akkriditasiyadan keçirilmişdir.
       2009-cu ilin III-cü rübündə QSC-nin digər istehsalat sahələrində də işlər uğurla həyata keçirilmiş, qarşılıqlı əməkdaşlıq və yeni ekoloji layihələrin icrası sahəsində bir çox xarici və yerli təşkilatlarla ilkin razılıq əldə olunmuşdur.
       "Ekol mühəndislik Xidmətləri" QSC üzərinə düşən öhdəliklərin layiqincə yerinə yetirilməsi sahəsində fəaliyyətini davam etdirir.