Bununla əlaqədar olaraq hər iki şirkətin, eləcə də bu sahədə ixtisaslaşdırılmış "Ekol Mühəndislik Xidmətləri" QSC-nin rəhbər işçilərinin və mütəxəssislərinin qarşılıqlı səfərləri olmuş və əməkdaşlıq sahəsində ilkin razılıqlar əldə edilmişdir.
İlkin olaraq sorbentin Bakı şəhərində istehsalı ilə əlaqədar QSC ilə Özbəkistanın "Ekonordragmet" Birgə Müəssisəsi arasında Alyans yaradılması barədə kontrakt imzalanmış və artıq bu işlərin birinci mərhələsinə başlanılmışdır.
Əldə olunmuş razılığa əsasən hər iki Şirkətinin işçi qrupları yaradılmış, bu işçi qrupları "Özbəkneftqaz" Milli Holdinq Şirkətinin tabeliyində olan NQÇİ-nin mədən ərazilərində neftlə çirklənmiş torpaqların təmizlənməsi, axıntı sularının və neftşlamın utilizasiya olunması üçün yeni qurğuların və texnologiyaların seçilib tətbiq edilməsi məqsədilə hazırda öz tədqiqatlarını davam etdirirlər.
Dekabr ayında işçi qruplarının fəaliyyəti çərçivəsində (ARDNŞ) "Ekol Mühəndislik Xidmətləri" QSC-nin Texniki direktoru Məzahir Hüseynov, Konstruktor və yeni texnologiyaların tətbiqi şöbəsinin rəisi Məlahət Useynova Özbəkistanda xidməti ezamiyyətdə olmuşlar. Ezamiyyət müddətində bir sıra işgüzar görüşlər keçirilmişdir.
Birgə işçi qrupunun mütəxəssisləri tərəfindən "Mubarəkneftqaz" NQÇİ-nin mədən ərazisində monitorinq işləri aparılmış, yeni qurğular və texnologiyalar tətbiq etməklə "Ekol Mühəndislik Xidmətləri" QSC tərəfindən ərazidə neftlə çirklənmiş torpaqların təmizlənməsi, axıntı sularının və neftşlamın utilizasiya olunması imkanlarına baxılmışdır.

tarix : 28.12.2009