Martın 13-də, Novruz bayramı ərəfəsində Dövlət Neft Şirkətinin idarə və müəssisələrinin kollektivləri növbəti ağacəkmə aksiyası keçirmişlər. İməciliyə ARDNŞ-nin prezidenti Rövnəq Abdullayev başda olmaqla, Şirkət rəhbərliyinin nümayəndələri də qatılmışlar. Onlar “Bibiheybətneft” NQÇİ-nin neftlə çirklənmədən təmizlənmiş mədən ərazisinə gələrək iməcilik iştirakçıları ilə görüşmüş və burada ağac əkmişlər.
ARDNŞ-nin prezidenti Rövnəq Abdullayev ölkədə ekoloji vəziyyətin yaxşılaşdırılması istiqamətində keçirilən bu aksiyaların neftçilərin ətraf mühitin mühafizəsinə verdiyi ən böyük töhfələrdən olduğunu xüsusilə vurğulamışdır.
Ağacəkmə aksiyasında “Bibiheybətneft” NQÇİ-nin təmizlənmiş mədən ərazilərində 3000-dən artıq ağac əkilmişdir. Bu aksiyada “Azneft” İstehsalat Birliyi aparatının və “Ekol Mühəndislik Xidmətləri” Qapalı Səhmdar Cəmiyyətinin rəhbərliyi və kollektivi də fəal iştirak etmişlər.
tarix : 15.03.2010
|