“Yer Saatı” hər il mart ayının axırıncı şənbə günü Dünya Yabanı Təbiət Fondu tərəfindən keçirilən bir tədbirdir. Tədbirin başlanğıcı Avstraliyanın Sidney şəhərinin 2.2 milyon əhalisinin 2007-ci ildə vacib olmayan sahələrdə elektrik enerjisinin kəsilməsi ilə qoyulmuşdur. Bu ildən etibarən tədbirə dünyanın bir çox dövlətləri və beynəlxalq təşkilatları bu aksiyaya dəstək olaraq, 1 saat ərzində bütün işıqları söndürmüşlər. 2009-cu ildə bu tədbirə dünyanın 4000-dən artıq şəhəri və 88 ölkəsi qoşulmuşdur.
Aksiyanın keçirilməsində məqsəd, enerjiyə qənaət etməyin və planetin ekologiyasını qorumağın vacibliyini göstərməkdən, iqlim dəyişmələri və onun nəticələri ilə əlaqədar dünya əhalisi arasında maarifləndirmə işlərini aparmaqdan, hər bir insanda və hər bir təşkilatda iqlim dəyişmələrinə qarşı oyanıqlıq və məsuliyyət hissini aşılamaqdan ibarətdir.
Bu il isə “Yer Saatı” tədbiri 27 mart 2010-cu il tarixdə, saat 20:30-dan 21:30-dək keçirilmişdir. Aksiyada dünyanın 80-dən çox ölkəsi, 1.2 milyarddan çox əhalisi iştirak etmiş, yaşayış evlərində və qeyri vacib sənaye obyektlərində elektrik enerjisi bir saat ərzində söndürülmüşdür.
İldən – ilə qlobal xarakter daşıyan “Yer Saatı” aksiyasına ARDNŞ-nin bir çox idarə və müəssisələri də qatılaraq, martın 27-də saat 20:30-dan 21:30-dək enerjiyə qənaət məqsədi ilə vacib olmayan sahələrdə işıqları bir saat söndürmüşlər.
“Ekol Mühəndislik Xidmətləri” QSC-də bu tədbirdə fəal iştirak edərək müəyyən edilmiş vaxta işıqları bir saat söndürməklə aksiyanı dəstəkləmişlər.
tarix : 29.03.2010
|