“Ekol Mühəndislik Xidmətləri” QSC-nin qarşısında duran vəzifələrin layiqincə yerinə yetirilməsi, “Sifarişçi” təşkilatlarla olan müqavilə öhdəliklərinə yüksək səviyyədə əməl olunması və fəaliyyətinin dünya standartları səviyyəsində qurulması məqsədilə, şirkətin maddi-texniki bazasının möhkəmləndirilməsi və inkişaf etdirilməsi daimi diqqət mərkəzində saxlanılır və bu istiqamətdə məqsədli tədbirlər həyata keçirilir.
Hazırda QSC-nin istehsalat sahələrində sənaye-çirkab sularının təmizlənməsi, neftşlamın emalı və zərərsizləşdirilməsi, torpaqların rekultivasiyası və bioremediasiyası işlərində müasir qurğulardan, avadanlıqlardan və xüsusi texnikalardan uğurla istifadə edilir.
Cari ildə fəaliyyət sahələrinin genişlənməsi, xüsusilə 2010-cu “Ekologiya İli” də yeni layihələrin icrası ilə əlaqədar olaraq, QSC maddi-texniki potensialını daha da artırmaq məqsədi ilə 1 ədəd draqlayn, 2 ədəd avtobus, 5 ədəd minik maşını və ümumi dəyəri 563 min manata, Almaniya istehsalı olan 3 ədəd VX – 186-368 QD, VK -186 – 5230 QD və VK-186-260 QD markalı fırlanan porşenli nasoslar almışdır. Bu nasoslar vasitəsi ilə gölməçələrdə və tutumlarda olan sənaye-çirkab sularının operativ nəqli və təmizləyici qurğulara ötürülməsi prosesləri xeyli dərəcədə asanlaşacaqdır.
QSC ekoloji layihələrin ən müasir texnika və texnologiyalarla həyata keçirilməsi üçün bundan sonra da maddi-texniki bazasının gücləndirilməsi istiqamətində tədbirlərini davam etdirəcəkdir.
tarix : 01.04.2010
|