Azərbaycan Respublikasının Prezidenti İlham Əliyevin təşəbbüsü ilə 2010-cu ilin “Ekologiya İli” elan edilməsi ölkəmizdə ekoloji məsələlərin həllinə diqqəti daha da artırıb. İstər Bakıətrafı ərazilərdə, istərsə də bölgələrdə bu istiqamətdə həyata keçirilən tədbirlər ekoloji vəziyyətin  yaxşılaşdırılmasına yönəldilib.

     “Ekologiya İli” çərçivəsində “Ekol Mühəndislik Xidmətləri” QSC də geniş ekoloji layihələri yerinə yetirməklə yanaşı respublikamızda keçirilən iməciliklərdə və ağacəkmə aksiyalarında da fəal iştirak edir.

    Aprelin 03-də QSC-nin kollektivi  növbəti dəfə Bibiheybət, Qala, Zığ  ərazilərində, digər istehsalat sahələrində abadlaşdırma və yaşıllaşdırma  tədbirləri keçirmiş, xeyli sayda ağac və bəzək kolları əkilmişdir.

    Həmin tarixdə QSC-nin bir qrup əməkdaşı Yeni Azərbaycan Partiyasının  təşkilatçılığı ilə Heydər Əliyev prospektinin  hava limanı yolu hissəsində keçirdiyi ümumşəhər ağacəkmə aksiyasına qatılmış, yüzlərlə növ ağacların əkilməsində yaxından iştirak etmişlər.

tarix : 06.04.2010