|
2010-cu ildə respublikasının hər yerində “Ekologiya İli” çərçivəsində ətraf mühitin mühafizəsi və yaşıllıqların salınması istiqamətində tədbirlər uğurla davam etdirilir. Bu sahədə ARDNŞ-nin həyata keçirdiyi aksiyalar daha böyük vüsət almışdır.
Azərbaycan Respublikası Prezidentinin 2 aprel 2010-cu il tarixli Sərəncamı ilə ARDNŞ-nin tabeçiliyinə verilmiş “Azərkimya”nın kollektivi də Sumqayıtın yaşıllıqlar diyarına çevrilməsini qarşısına məqsəd qoyaraq artıq bu istiqamətdə kompaniyaların keçirilməsinə başlamışdır. Kimyaçılar aprelin 17-də Sumqayıtın “sənaye zonası” adlanan böyük bir ərazisində yaşıllaşdırma və abadlaşdırma işləri həyata keçirmişlər. Tədbirdə iştirak edən “Azərkimya”nın, ARDNŞ-nin Ekologiya İdarəsinin və “Ekol Mühəndislik Xidmətləri” QSC-nin kollektivi Sumqayıt-Quba magistralı boyunca 5000-dən artıq ağac və gül kolları əkmişlər.
Ağacəkmə kompaniyasında baş direktor Soltan Əliyev və texniki - direktor Məzahir Hüseynov da olmaqla, “Ekol Mühəndislik Xidmətləri” QSC-nin kollektivinin xeyli sayda üzvləri də fəal iştirak etmişlər. Onlar QSC üçün ayrılmış ərazidə 400-ə qədər ağac əkərək, yaşıllaşdırma sahəsində öz peşəkar təcrübələrini nümayiş etdirmiş, ağacların əkilməsi üçün çala qazan yeni müasir qurğudan istifadə olunmuşdur.
Tədbirdə jurnalistlərin suallarını cavablandıran baş direktor Soltan Əliyev, yaşıllaşdırmanın QSC-nin əsas fəaliyyət sahələrindən biri olduğunu, “Ekologiya İli” çərçivəsində bu sahədə xeyli işlər görüldüyünü, gələcəkdə də yeni müasir qurğu və avadanlıqların alınaraq bu sahəyə tətbiq ediləcəyini xüsusilə vurğulamışdır.
17 apreldə QSC Z.Tağıyev adına NQÇ-nin (Qala qəsəbəsi) və “Bibiheybətneft” NQÇİ-nin mədən ərazilərində, eləcə də digər istehsalat sahələrində də iməciliklər təşkil edərək yaşıllaşdırma və abadlaşdırma tədbirlərini həyata keçirmişdir.
tarix : 19.04.2010
|
ana səhifə
Satınalma
əlaqə
Futzal
Alternativ Enerji
Bu maraqlıdır
