Aprelin 16-da Həmkarlar İttifaqı Komitəsinin təşkilatçılığı ilə QSC-nin 4 illiyinə həsr olunmuş nərd turniri keçirilmişdir.
Turnirin açılış mərasimində baş direktorunun istehsalat üzrə müavini-texniki direktor Məzahir Hüseynov və Həmkarlar İttifaqı Komitəsinin sədri Əli Ələkbərov turnir iştirakçılarını QSC-nin yaranmasının 4 illiyi münasibətilə təbrik edərək, onlara bu yarışda uğurlar arzulamışlar.
Turnirə 11 nəfər ötən illərin nərd turnirlərində 1, 2 və 3-cü yerləri tutmuş qaliblər qatılmış və mütləq çempion titulunu qazanmaq uğrunda gərgin mübarizə aparmışlar.
Turnirin final mərhələsində Tullantıların emalı departamentinin 7-ci sahəsinin rəis müavini Zahid Qurbanov qələbə çalaraq, 2010-cu ildə nərd üzrə QSC-nin mütləq çempionu adına layiq görülmüşdür.
Sonda qalibə xüsusi diplom və pul mükafatı təqdim olunmuşdur.
tarix : 19.04.2010
|