Xəbər verildiyi kimi 2010-cu ildə “Ekol Mühəndislik Xidmətləri” QSC “Ekologiya İli” çərçivəsində ARDNŞ-nin “Azneft” İB və Sosial İnkişaf İdarəsi ilə imzalanmış müqavilələrə əsasən, Z.Tağıyev adına NQÇİ-nin ( Qala qəsəbəsi), “Abşeronneft” NQÇİ-nin (Pirallahı qəsəbəsi), “Siyəzənneft” NQÇİ-nin (Siyəzən rayonu mədən ərazilərində bioremediasiya işlərinin aparılması, Sabunçu rayonu ərazisində (Böyük – Şor sahəsi) olimpiya stadionunun tikintisi üçün ayrılmış sahənin çirkab sulardan, neft məhsullarından təmizlənməsi və rekultivasiyası layihələrinin həyata keçirilməsini planlaşdırmışdır.
İlin əvvəlindən Z.Tağıyev adına NQÇİ-nin və “Siyəzənneft” NQÇİ-nin mədən ərazilərində bioremediasiya layihələrinin icrasına başlanılmış və xeyli işlər görülmüşdür. Aprel ayında isə “Abşeronneft” NQÇİ-nin mədən ərazisində və Sabunçu rayonunun Böyük – Şor sahəsində hazırlıq işləri başa çatdırılmış layihələrin icrasına start verilmişdir.
Həyata keçiriləcək layihələrdən biri olan “Sabunçu rayonu ərazisində (Böyük – Şor sahəsi) olimpiya stadionunun tikintisi üçün ayrılmış sahənin çirkab sulardan, neft məhsullarından təmizlənməsi və rekultivasiyası” ərazinin ekoloji vəziyyətinin yaxşılaşdırılması və burada analoqu olmayan müasir olimpiya stadionunun tikilməsi baxımından xüsusi əhəmiyyət kəsb edir.
Layihənin icrası ilə əlaqədar olaraq artıq işlərə start verilmiş, QSC-nin Tullantıların emalı departamenti ilkin mərhələdə çirkab suların ərazidən çıxarılmasına başlamışdır. Bu məqsədlə ərazidə məhsuldarlığı 150 m3/saat olan , Almaniyanın müasir tipli nasosları quraşdırılmışdır. Aparılmış ekoloji monitorinq işlərinin nəticəsində müəyyən edilmişdir ki, ərazidə 588 min m3çirkab su, 250 min m3isə neftşlam vardır.
QSC çirkab suların ərazidən çıxarılması ilə yanaşı, sonrakı mərhələlərdə neftşlamın emalı və rekultivasiya işlərinin həyata keçirilməsi istiqamətində tədbirlərini davam etdirir.
tarix : 22.04.2010
|