“Ekol Mühəndislik Xidmətləri” QSC –nin həyata keçirdiyi ekoloji layihələr təkcə Abşeron yarımadasını əhatə etmir. QSC hazırda “Ekologiya İli” çərçivəsində paytaxtdan 90 km –dən artıq bir məsafədə yerləşən  “Siyəzənneft” NQÇİ-nin   50 hektaradək mədən ərazilərində neftlə çirklənmiş sahələrin bioremediasiya işlərini  uğurla davam etdirir.

    Adı çəkilən layihələrdən  “Siyəzənneft” layihəsi özünəməxsusluğu ilə digər layihələrdən fərqlənir. Mədən ərazilərinin biri-birindən uzaq məsafədə  və çətin  relyef şəraitində yerləşməsi layihənin icrasına xüsusi yanaşma tələb edir. Bununla əlaqədar olaraq, bu işlərin yerinə yetirilməsi üçün QSC-nin Torpaqların rekultivasiyası departamentinin təcrübəli mütəxəssisləri və onlarla xüsusi texnikası cəlb edilmişdir.

    Müvafiq dövr ərzində layihə icraçıları öz vəzifələrinin öhdəsindən layiqincə gələrək, “Siyəzənneft” NQÇİ-nin  NYM və Gilgilçay  mədən sahələrində layihə üzrə xeyli işlər görmüş,  cari ilin 4 ayı ərzində bu ərazilərdən  5 426 m3 çirkab su, 9 946 m3neftşlam çıxarılmış, əraziyə 17 733 m3 torpaq daşınmış, yaşıllaşdırma tədbirləri görülmüşdür. Yaxın günlərdə Gilgilçay sahəsində neftşlamın bioremediasiyası prosesinə başlanılacaqdır.  Layihənin sonrakı mərhələsində isə  Sadan NYM və Ataçay mədən ərazilərində biremediasiya işləri həyata keçiriləcəkdir.

    QSC-nin  “Siyəzənneft” NQÇİ-nin mədən ərazilərində apardığı işlər nəticəsində neftçilərin də iş şəraiti xeyli yaxşılaşmış, digər istehsalat işlərinin yerinə yetirilməsi üçün  əlverişli şərait yaranmış, mədən əraziləri simasını dəyişərək öz əvvəlki vəziyyətinə qaytarılmışdır.

tarix : 26.04.2010