Ölkəmizdə təhlükəsiz və sağlam iş yerlərinin yaradılması, istehsalat mədəniyyətinin yüksəldilməsi, əmək şəraitinin yaxşılaşdırılması, əməyin mühafizəsi istiqamətində mühüm addımlar atılır və dövlət tərəfindən məqsədli tədbirlər həyata keçirilir.
Əməyin mühafizəsi gününün beynəlxalq aktuallığını nəzərə alan ARDNŞ-də 28 apreldə tabeçiliyində olan idarə və müəssisələrdə müvafiq tədbirlərin keçirilməsini qərara almışdır. Şirkətin İdarə və Müəssisələrində təhlükəsiz və sağlam iş şəraitinin yaradılması, yerinə yetirilən bütün işlərdə risklərin qiymətləndirilməsi, təhlükə yaradan işlərin aşkar edilməsi, potensial risklərin qarşısının alınması istiqamətində konkret işlərin görülməsi və bununla əlaqədar tədbirlərin keçirilməsi nəzərdə tutulmuşdur.
Ümumdünya əməyin mühafizəsi günü ilə əlaqədar 28.04.2010-cu il tarixdə “Ekol Mühəndislik Xidmətləri” QSC-nin Tullantıların emalı departamentinin (TED) 7-ci sahəsində (“Azərneftyağ” NEZ) tədbir keçirilmişdir.
Tədbirdə QSC-nin Həmkarlar İttifaqı Komitəsinin sədri Əli Ələkbərov, Texniki təhlükəsizlik şöbəsinin rəisi Səbuhi Veysəlov, TED-nin 7-ci sahəsinin texniki təhlükəsizlik üzrə mühəndisi Tapdıq Quliyev çıxış edərək bildirmişlər ki, QSC-də çalışan işçilərin texniki təhlükəsizliyi və əməyin mühafizəsi daimi rəhbərliyin diqqət mərkəzindədir. Xüsusilə son illərdə istehsalat sahələrində əməyin mühafizəsinin vəziyyəti, texniki təhlükəsizlik qaydalarına riayət olunması, sanitar normalara cavab verən məişət otaqlarının tikilməsi və fərdi mühafizə vasitələri ilə təmin olunması istiqamətində məqsədyönlü işlər görülmüşdür.
Qeyd olunmuşdur ki, QSC-də əmək şəraitinin yaxşılaşdırılmasına, təhlükəsizlik qaydalarına əməl olunmasına, istehsalat zədələrinin qarşısının alınmasına və işçi personalının bu sahədə təlimatlandırılmasına diqqət ilbəil artırılır və bundan sonra da bu işlər davam etdiriləcəkdir.
ana səhifə
Satınalma
əlaqə
Futzal
Alternativ Enerji
Bu maraqlıdır
