|
2010-cu ildə “Ekologiya İli” çərçivəsində “Ekol Mühəndislik Xidmətləri” QSC-nin həyata keçirdiyi ekoloji layihələrdən biri də “Abşeronneft” NQÇİ-nin (Pirallahı qəsəbəsi) mədən ərazilərində 44 hektarlıq sahədə biorekultivasiya işlərinin yerinə yetirilməsidir.
Bununla əlaqədar olaraq aprel ayından layihənin icrasına başlanılmış, əraziyə QSC-nin xeyli sayda xüsusi texnikası və işçi qüvvəsi cəlb edilmişdir.
İndiyədək smeta layihə sənədlərinə uyğun olaraq ərazidən 2 058 m3 çirkab su, 1 156 m3 şlam çıxarılmış, sahəyə 4 565 m3 torpaq və 4 122 m3 ştift daşınmışdır.
Layihənin icrası təqvim planına uyğun olaraq yerinə yetirilir və nəzərdə tutulmuş müddətdə başa çatdırılması üçün bütün əlavə tədbirlər görülür. Layihənin sonuncu mərhələsində yaşıllaşdırma tədbirləri də həyata keçiriləcəkdir ki, bu da öz növbəsində Abşeron yarımadasında, xüsusilə Pirallahı qəsəbəsində ekoloji vəziyyətin xeyli dərəcədə yaxşılaşdırılmasına öz müsbət təsirini göstərəcəkdir.
tarix : 18.05.2010
|
ana səhifə
Satınalma
əlaqə
Futzal
Alternativ Enerji
Bu maraqlıdır
