“Ekol Mühəndislik Xidmətləri” QSC  öz fəaliyyətinin beynəlxalq standartlar səviyyəsində qurulması və Avropaya inteqrasiya edilməsi istiqamətində davamlı siyasət həyata keçirir və məqsədyönlü tədbirlər görür. Məhz bunun nəticəsidir ki, QSC 2007-ci ildə  İSO 14001 Ekologiya İdarəetmə Sistemini qəbul etmiş və sertifikata layiq görülmüşdür.

      Türk Standartları İnstitutunun təmsilçiləri Ahmet Serdar Kaplan, Hasan Demirtaş, QSC-nin  İSO 14001 standartları sahəsində gördüyü işlərdən və əvvəlki auditlərin  nəticələrindən razı qaldıqlarını bildirərək, İSO 9001 və OHSAS 18001 Beynəlxalq Standartlarının da qəbul olunmasını məqsədəuyğun  hesab etmişlər.

      QSC-nin Baş direktoru  yaxın gələcəkdə bu standartların qəbul edilməsi üçün hazırlıq işlərinin aparıldığını qeyd edərək tədqiqçilərə  fəaliyyətlərində uğurlar arzulamışdır.          

      02 iyun 2010-cu il tarixdə Türk Standartları İnstitutunun tədqiqçiləri tərəfindən     QSC-də auditinin keçirilməsinə başlanılmış, 04 iyun 2010-cu ildə başa çatdırılmışdır.

      04 iyun 2010-cu ildə keçirilən  bağlanış toplantısında  tədqiqçi  Ahmet Serdar Kaplan üç gün ərzində QSC-də  İSO 14001 standartlarının tələblərinə uyğun olaraq audit aparıldığını və bütün sahələrin əhatə edildiyini toplantı iştirakçılarının nəzərinə çatdırmışdır. Tədqiqçi auditin nəticələrinin uğurlu olduğunu, QSC-də İSO 14001 standartlarının tələblərinə tam əməl edildiyini vurğulamış, beynəlxalq standartlarda olan yeniliklərlə bağlı öz tövsiyəsini vermiş və yeni sertifikata layiq görüldüklərinə görə QSC rəhbərliyini və kollektivi təbrik edərək onlara gələcək fəaliyyətlərində uğurlar arzulamışdır.

    Baş direktor Ramil Əliyev  türkiyəli qonağa öz adından və kollektivin adından təşəkkürünü bildirərək, daim inkişafda olan  QSC-nin fəaliyyətinin bundan sonra da bütün sahələrdə beynəlxalq standartların tələblərinə uyğun qurulacağını və Türk Standartları İnstitutu ilə əməkdaşlığın  uğurla davam etdiriləcəyini qeyd etmişdir.

tarix : 04.06.2010