5 iyun- Beynəlxalq Ətraf Mühitin Mühafizəsi günü - BMT-nin ətraf mühitlə bağlı keçirilən konfransında ( 5-16 iyun 1972 –ci il ) Yaponiya və Seneqal dövlətlərinin təklifi ilə təsis olunub. Dünya ictimaiyyətini ətraf mühitin mühafizəsi problemlərinə cəlb etmək üçün 5 iyun 1973-cü ildən etibarən bütün dünyada qeyd edilir. BMT-nin Baş Assambleyası təşkilatın üzvü olan ölkələri bu gün də ətraf mühitin qorunması və yaxşılaşdırılmasına yönəldilmiş tədbirlər həyata keçirməyə çağırır.
“Ekol Mühəndislik Xidmətləri” QSC də ənənəvi olaraq hər il olduğu kimi, bu il də 5 iyun - Beynəlxalq Ətraf Mühitin Mühafizəsi günü ilə əlaqədar QSC-nin istehsalat sahələrində iməciliklər keçirərək, yaşıllıqlara aqrotexniki xidmət göstərilmiş və xeyli abadlaşdırma işləri görülmüşdür.
Bu tədbirlər Bibiheybət sahəsində, Qala qəsəbəsində ( Z.Tağıyev adına NQÇİ-nin mədən ərazisində) Pirallahı qəsəbəsində ( “Abşeronneft” NQÇİ-nin mədən ərazisində) də davam etdirilmişdir.
tarix : 07.06.2010
|