Xidmətlərimiz
|
|
|
|
“Abşeronneft” NQÇİ-nin çirklənmiş ərazisində rekultivasiya işləri yüksək templə aparılır
|
Azərbaycan Respublikası Prezidentinin 28 sentyabr 2006-cı il tarixli sərəncamı ilə “Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı” əsasında ARDNŞ-nin təsdiq olunmuş tədbirlər planına uyğun olaraq, “AzNEFT” İstehsalat Birliyinin tabeçiliyində olan “Abşeronneft NQÇİ-nin neft, lay suları və digər tullantılarla çirklənmiş ərazisinin rekultivasiyası” işləri “Ekol Mühəndislik Xidmətləri” QSC tərəfindən uğurla həyata keçirilir.
Layihəyə Ekoloji monitorinq departamentinin rəisi Şahabiddin Albuşov rəhbərlik edir. Onun sözlərinə görə cari ilin aprel ayında layihənin icrasına başlanılmış, indiyədək 5.3 hektara qədər ərazidə rekultivasiya işləri yerinə yetirilmişdir. İcra müddətində layihə sahəsindən QSC-nin xüsusi vakuum maşınları vasitəsilə 2 972 m3-ə qədər lay suyu ərazidəki “Voroşilov” anbarına, 4 544 m3şlam isə şlam anbarına daşınmışdır. Bununla yanaşı əraziyə 25 183 m3 ştib və torpaq daşınaraq yayılmışdır. Ərazidə mövcud olan 35.4 ton tullantı qara metal yığılaraq müəyyən edilmiş sahədə toplanmışdır.
Rekultivasiya işlərinə 21 ədəd özüboşaldan ağır tonnajlı avtomaşınlar, 2 ədəd S-130 markalı buldozer və çalov tutumu 1.2 m3 olan 1 ədəd CAT-320 D markalı ekskavator cəlb edilmişdir. Layihənin icrasına QSC-nin peşəkar işçiləri cəlb olunmuş, onlar üçün normal iş şəraiti yaradılmışdır.
Hazırda “Abşeronneft” NQÇİ-nin çirklənmiş ərazisində rekultivasiya işləri yüksək templə davam etdirilir və layihənin nəzərdə tutulmuş müddətdə başa çatdırılması məqsədilə lazımı tədbirlər görülür.
tarix : 09.06.2010
|
|
|
|
|
|
|