İyunun 21-də QSC-ni Babək prospekti 10B ünvanda yerləşən mərkəzi ofisinin     I-ci  mərtəbəsindəki müasir tipli yeməkxananın açılış mərasimi olmuşdur. Açılış mərasimində  QSC-nin baş direktoru Ramil Əliyev çıxış edərək  Cəmiyyətdə  çalışan işçilərin sosial  problemlərinin həll edilməsinin, iş şəraitinin  yaxşılaşdırılmasının daim diqqət mərkəzində olduğunu və son dövrlərdə bu istiqamətdə  ardıcıl tədbirlər görüldüyünü qeyd etdi.

     Baş direktor yeni yeməkxananın istifadəyə verilməsi münasibəti ilə işçiləri təbrik edərək, müasir standartlara cavab verən bu yeməkxanada işçilərin keyfiyyətli yeməklərlə təmin ediləcəyini  mərasim iştirakçılarının nəzərinə çatdırdı.

    Mərasimdə çıxış edənlər onlara yaradılan bu şəraitə görə QSC rəhbərliyinə dərin təşəkkürlərini bildirdilər. Daha sonra yeməkxananın  peşəkar personalının hazırladıqları ləziz nahar yeməyi işçilərə təqdim olundu.

               

tarix : 22.06.2010