“Ekol Mühəndislik Xidmətləri” QSC-də ekoloji layihələrin və istehsalat proseslərinin operativ olaraq yüksək keyfiyyətlə həyata keçirilməsi ilə yanaşı, işçilərin sosial problemlərinin həlli, onların sağlamlıqlarının mühafizəsi və istirahətlərinin təşkili məsələləri də daim diqqət mərkəzindədir.
Bununla əlaqədar olaraq, ötən illərdə olduğu kimi 2010-cu ildə də QSC-nin işçilərinin yay istirahəti respublikamızın gözəl guşələrindən olan Nabran istirahət zonasında təşkil olunmuşdur. İyunun 25-dən 27-dək QSC-nin 32 nəfərdən ibarət bir qrup işçilərinin “Malibu” İstirahət Mərkəzində 2 günlük istirahəti təşkil olunmuşdur. İstirahət müddətində işçilər arasında futbol və nərd yarışları keçirilmiş, maraqlı gəzintilər təşkil edilmişdir.
QSC-də çalışan işçilərin yay istirahəti mövsümün axırınadək davam edəcək və hər həftənin şənbə və bazar günləri Nabran zonasının “Malibu” İstirahət Mərkəzində 2 günlük istirahətləri təşkil olunacaqdır.
tarix : 29.06.2010
|