Geniş oxucu kütləsinə və yüksək reytinqə malik olan Fransanın “Valeurs  actuelles” jurnalı dövrü olaraq dünyanın inkişafda olan ayrı-ayrı dövlətləri haqqında geniş hesabat hazırlayır. Jurnalın növbəti hesabatının isə Azərbaycan Respublikasına həsr olunacağı nəzərdə tutulmuşdur. Hesabatda xarici siyasət, iqtisadiyyat, mədəniyyət sahələri ilə yanaşı ekoloji məsələlərə də geniş yer ayrılmışdır.

          Bununla əlaqədar olaraq “Valeurs actuelles” jurnalının redaktoru İsmaёl Koqui N`Douro və layihə koordinatoru Sandra Hamour Azərbaycanda olmuş, bir sıra rəsmi dövlət nümayəndələri ilə görüşmüşlər.

İyulun 2-də “Valeurs  actuelles” jurnalının redaktoru İsmaёl Koqui N`Douro və layihə koordinatoru Sandra Hamour “Ekol Mühəndislik Xidmətləri” QSC-də də olmuş və məsul işçilərin iştirakı ilə görüş keçirilmişdir.

Görüş zamanı qonaqlar QSC-nin həyata keçirdiyi prioritet ekoloji layihələr haqqında rəsmi saytdan və KİV-dən geniş məlumatlar əldə etdiklərini, QSC-nin fəaliyyətinin onlarda maraq doğurduğunu və bu səbəbdən də QSC haqqında məlumatın hesabata daxil olunması qərarına gəldiklərini görüş iştirakçılarının nəzərinə çatdırmışdır.

QSC-nin baş direktorunun ümumi işlər üzrə müavini İsrafil Əliyev qonaqlara “Ekol Mühəndislik  Xidmətləri” QSC-nin yaranma tarixi, fəaliyyəti, maddi-texniki bazası və perspektiv planları haqqında geniş məlumat vermiş, onları maraqlandıran sualları cavablandırmışdır.

tarix : 05.07.2010