“Ekol Mühəndislik Xidmətləri” QSC-nin fəaliyyətinin əsas istiqamətlərindən biri də sənaye-çirkab sularının təmizlənməsidir. Sənaye çirkab sularının  norma həddinə qədər təmizlənməsi və keyfiyyəti suların təmizlənməsi texnologiyalarından, tətbiq edilən qurğu və avadanlıqların saz vəziyyətdə işləmələrindən birbaşa asılıdır.

    QSC bu fəaliyyətini Tullantıların emalı departamenti (TED) vasitəsi ilə həyata keçirir. Ay ərzində TED-nin 6-cı ( Heydər Əliyev adına BNEZ-nun  9-cu sexinin ərazisi) və 7-ci        (“Azərneftyağ” NEZ) sahələrində Almaniyanın  “Facet” şirkətinin separatorlar qurğusu, eləcə də mexaniki təmizləyici qurğular vasitəsi ilə NEZ-dan daxil olan 2 milyon m3-dən artıq sənaye-çirkab suları təmizlənərək, təmizlənmiş suların bir hissəsi texniki məqsədlər üçün emal zavodlarının təkrar istifadəsinə, bir hissəsini isə Bioloji Təmizləmə qurğusuna ötürülür.

    QSC sənaye-çirkab sularının yüksək keyfiyyətlə təmizlənməsi üçün  daim məqsədyönlü tədbirlər həyata keçirir. Bu tədbirlər sırasında yeni texnologiyaların və qurğuların tətbiqi, mexaniki təmizləyici qurğuların neftşlamdan və mexaniki çöküntülərdən təmizlənməsi xüsusi əhəmiyyət kəsb edir.

     Bununla əlaqədar olaraq iyun ayında TED-nin 6-cı sahəsində uzun illər neftşlamla dolu olan II saylı çökdürücü göldən  3 min m3-ə qədər neftşlam çıxarılaraq emal üçün diğər tutumlara ötürülmüş, çökdürücü göl yuyulub təmizlənərək yenidən istismara verilmişdir. Bu da öz növbəsində Heydər Əliyev adına BNEZ-dan daxil olan sənaye-çirtkab sularının təmizlənməsinin keyfiyyətini xeyli dərəcədə yaxşılaşdırmışdır.

tarix : 09.07.2010