“Azneft” İstehsalat Birliyi ilə bağlanmış müqaviləyə əsasən ötən ay icrasına başlanılmış “Balaxanıneft” NQÇİ-nin Kürdəxanı mədən ərazisində ayrılmış neftlə çirklənmiş sahələrin bioremediasiyası layihəsi” “Ekol Mühəndislik Xidmətləri” QSC tərəfindən yüksək ahənglə davam etdirilir.
Layihənin nəzərdə tutulmuş müddətdə və keyfiyyətlə başa çatdırılması məqsədi ilə QSC əraziyə lazımı texnika və işçi qüvvəsi cəlb etmiş, yerinə yetiriləcək işlərin fasiləsizliyi təmin olunmuşdur.
İyun ayından başlayaraq layihə ərazisindən 13 min m3-ə qədər şlam çıxarılaraq bioremediasiya sahəsinə daşınmışdır. Eyni zamanda əraziyə 14 min m3 torpaq daşınaraq hamarlama işləri həyata keçirilmişdir.
Ətraf ərazilərin ekoloji vəziyyətinin yaxşılaşdırılmasına müsbət təsir göstərəcək bu layihənin sonrakı mərhələlərində şlamın bioremediasiyası, ərazinin hamarlanması, yaşıllıqların salınması və digər əlavə tədbirlərin görülməsi nəzərdə tutulmuşdur.
tarix : 14.07.2010
|