2010-cu ildə “Ekologiya İli” çərçivəsində  Neftqazçıxarma idarələrinin mədən ərazilərində həyata keçirilən ekoloji layihələr daim ARDNŞ rəhbərliyinin diqqət mərkəzindədir.

      Bununla əlaqədar olaraq iyulun 22-də  ARDNŞ-nin neftin, qazın hasilatı üzrə vitse-prezidenti Rəhman Qurbanov, ekologiya üzrə vitse-prezidenti Soltan Əliyev, Şirkətin  Kapital qoyuluşları idarəsinin  rəisi Ağasəf Əliyev, “Azneft” İstehsalat Birliyinin baş direktoru Səbuhi Əhmədov, “Ekol Mühəndislik Xidmətləri” QSC-nin baş direktoru Ramil Əliyev, baş direktorun istehsalat üzrə müavini-texniki direktor Məzahir Hüseynov və digər rəhbər işçilər “Siyəzənneft” NQÇİ-nin mədən ərazilərində olmuşlar.

    ARDNŞ-nin rəhbər işçiləri ümumi istehsalat, tikinti və yenidənqurma işləri ilə yanaşı, “Ekol Mühəndislik Xidmətləri” QSC-nin  “Siyəzənneft” NQÇİ-nin mədən ərazilərində ayrılmış neftlə çirklənmiş sahələrin bioremediasiyası işləri ilə yaxından tanış olaraq bu sahədə görülən işlərdən razı qalmış və əlavə tapşırıqlarını vermişlər.

    QSC-nin baş direktoru Ramil Əliyev və baş direktorun istehsalat üzrə müavini-texniki direktor Məzahir Hüseynov layihə sahələrində çalışan işçilərin iş şəraiti, iş prosesləri və təchizat məsələləri ilə maraqlanmış, layihənin keyfiyyətlə və vaxtında başa çatdırılması üçün operativ qərarlar qəbul etmişlər.

tarix : 26.07.2010