Azərbaycan çempionatının gərgin oyunlarından sonra komanda heyətinin istirahətinin təmin edilməsi və fiziki hazırlıqlarının artırılması məqsədilə, “Ekol” MFK  iyun ayından başlayaraq silsilə təlim-məşq  toplantıları keçirir.

    Komandamızın növbəti təlim-məşq toplantısı isə, iyulun 26-dan başlayaraq  Nabran istirahət mərkəzində təşkil olunmuşdur. Bir həftə davam edən təlim-məşq toplantısı zamanı komanda heyəti maraqlı istirahətlə yanaşı səmərəli təlimlər keçmiş, öz fiziki və taktiki hazırlıqlarını xeyli dərəcədə artırmışlar.

   Nabran istirahət zonasında keçirilən təlim-məşq toplantısı komanda rəhbərliyinə  hər bir oyunçunun fərdi keyfiyyətinin və bacarığının qiymətləndirilməsində, heyətin formalaşdırılmasında və ümumi strategiyanın müəyyən edilməsində də geniş imkanlar yaratmışdır.

tarix : 05.08.2010