|
Avqustun 18-də YAP Nizami rayonu “Ekol” ilk ərazi təşkilatı fəallarının yığıncağı keçirilmişdir.
Tədbirdə çıxış edən YAP “Ekol” ilk ərazi təşkilatının sədri Fəxrəddin Quliyev, öncə respublikamızda hazırkı ictimai – siyasi vəziyyət, ölkə Prezidentinin uğurlu siyasəti nəticəsində iqtisadi inkişaf və xarici siyasət sahəsində əldə olunan nailiyyətlər barədə yığıncaq iştirakçılarına ətraflı məlumat vermiş, ərazi təşkilatının YAP Nizami rayon təşkilatının ictimai-siyasi fəaliyyətindəki fəal rolundan danışmışdır.
Daha sonra təşkilat sədri bildirmişdir ki, ölkəmiz mühüm siyasi kompaniya ərəfəsindədir. Azərbaycan Respublikasının Konstitusiyasına əsasən noyabrın 7-də növbəti parlament seçkiləri keçiriləcəkdir. Fəxrəddin Quliyev qeyd etdi ki, əsas məqsədimiz YAP “Ekol” ilk ərazi təşkilatının qarşıdan gələn parlament seçkilərinə hazırlığını bir daha nəzərdən keçirmək və qarşımızda duran vəzifələrin müəyyən etməkdir. Mən əminəm ki, əvvəlki siyasi kompaniyalarda olduğu kimi YAP “Ekol” ilk ərazi təşkilatı bu seçkilərin də demokratik keçirilməsində fəal iştirak edəcəkdir.
Yığıncaqda çıxış edən YAP fəalları Zeynal Babayev, Elxan Teymurov, Əli Ələkbərov, Səbuhi Veysəlov və başqaları “Ekol” təşkilatının respublikamızın ictimai-siyasi həyatında həmişə fəal rol oynadığını, növbəti parlament seçkilərində də üzərilərinə düşən tapşırıqların layiqincə yerinə yetirilməsinə hazır olduqlarını bildirmişlər.
YAP “Ekol” ilk ərazi təşkilatının i8 avqust 2010-cu il tarixli yığıncağında bəzi cari və təşkilatı məsələlər də müzakirə olunmuşdur.
tarix : 20.08.2010
|
ana səhifə
Satınalma
əlaqə
Futzal
Alternativ Enerji
Bu maraqlıdır
