Xəbər verildiyi kimi, Azərbaycan Respublikasının Əmlak Məsələləri üzrə Dövlət Komitəsinin 20.10.2009-cu il tarixli, 102 saylı Sərəncamı ilə, əvvəllər ARDNŞ-nin Ekologiya İdarəsinin balansında olmuş, Suraxanı rayonu, Zığ qəsəbəsi, Hövsan yolu ünvanda yerləşən qeyri yaşayış sahəsi xidməti məqsədlər üçün QSC-nin istifadəsinə verilmişdir.
Bir ilə yaxındır ki, A-4 adlanan bu qeyri yaşayış sahəsində əsaslı təmir, rekonstruksiya və abadlaşdırma işləri görülmüş, ətraf ərazilərdə torpaq hamarlama işləri aparılaraq, həmin sahələrdə 2 mindən çox ağac və bəzək kolları əkilmişdir. Qeyri –yaşayış sahəsinə yeni su və qaz xətləri çəkilmiş, ərazidəki daxili yollar yenidən təmir olunmuş, ərazidə yeni transformator quraşdrılmışdır.
Hazırda əsaslı təmir və rekonstruksiya işləri başa çatdırılmış və son tamamlama işləri yerinə yetirilir. Bu müddət ərzində görülmüş işlər nəticəsində qeyri –yayış sahəsinin görkəmi tamamilə dəyişmişdir.
A-4 qurğusunun istifadəyə hazır olması və son tamamlama işlərinin başa çatması ilə əlaqədar, qeyri-yaşayış sahəsinin ətraf ərazilərinin alaq otlarından və tullantılardan təmizlənməsi məqsədilə, sentyabrın 4-də QSC-nin həmin ərazidə növbəti iməciliyi keçirilmişdir.
İməcilikdə QSC-nin rəhbərliyi və yüz nəfərdən artıq kollektivin nümayəndələri iştirak etmişdir. Keçirilən tədbir zamanı ətraf ərazilərdən xeyli alaq otları və tullantılar yığılaraq sahədən kənarlaşdırılmış , abadlıq işləri görülmüş və ətrafda səliqə-sahman yaradılmışdır.
tarix : 06.09.2010
|