Sentyabrın 8-də QSC-nin baş ofisində rəhbərliyin, departament, şöbə və sex rəislərinin iştirakı ilə istehsalat müşavirəsi keçirilmişdir. Müşavirəni giriş sözü ilə açan QSC-nin baş direktoru Ramil Əliyev öncə tədbir iştirakçılarını müqəddəs “Ramazan” bayramı münasibəti ilə təbrik etmiş, onlara Ulu Tanrıdan can sağlığı, uzun ömür və işlərində müvəffəqiyyətlər arzulamışdır. Sonra Ramil Əliyev baş direktorun məsləhətçisi Kamil Akimovu ”1941-1945-ci illər Böyük Vətən Müharibəsində Qələbənin 65 İlliyi” yubiley medalı ilə təltif olunması münasibəti ilə təbrik etmişdir. Tədbir iştirakçıları da bu təbrikə qoşulmuşlar.
Müşavirədə QSC-nin istehsalat işlərinin hazırkı vəziyyəti, həyata keçirilən ekoloji layihələr və qarşıdakı sərgilərə hazırlıq işləri geniş müzakirə olunmuşdur. Qeyd olunmuşdur ki, müvafiq dövr ərzində istehsalatın fasiləsizliyi və texniki təchizat məsələləri tam təmin olunmuş, “Sifarişçi” təşkilatların müqavilə öhdəlikləri lazımınca yerinə yetirilmişdir. “Siyəzənneft” NQÇİ-nin, “Balaxanıneft” NQÇİ-nin və Z.Tağıyev adına NQÇİ-nin mədən ərazilərindən neftşlamın çıxarılması və daşınması işləri başa çatdırılmış və bioremediasiya proseslərinə başlanılmışdır.
Tədbirdə çıxış edənlər, baş direktorun istehsalat üzrə müavini-texniki direktor Məzahir Hüseynov, Tullantıların emalı departamentinin rəisi Zeynal Babayev, Torpaqların rekultivasiyası departamentinin rəis müavini İdayət Hacıyev, Hüquq şöbəsinin rəisi Ruhəngiz Qəhrəmanova və başqaları istehsalatdakı mövcud problemlər və onların aradan qaldırılmasına öz münasibətlərini bildirmişlər.
Baş direktor Ramil Əliyev QSC-nin struktur bölmələrinin istehsalat sahələri və ekoloji layihələr üzrə yerinə yetirdikləri işlərin qənaətbəxş olmasını qeyd etməklə yanaşı, daxili intizam qaydalarına, icra mexanizminə və mal-materialların uçot qaydalarına daha da ciddi əməl olunması barədə öz tapşırıq və tövsiyələrini vermişdir. Bununla da QSC-nin istehsalat müşavirəsi başa çatmışdır.
tarix : 13.09.2010
|