Xidmətlərimiz
|
|
|
|
BP Azərbaycan şirkətinin mütəxəssisləri “Ekol Mühəndislik Xidmətləri” QSC-nin mütəxəssisləri ilə birgə çirkab suların təmizlənməsi prosesinin test sınaqlarını keçirmişlər
|
“Ekol Mühəndislik Xidmətləri” QSC xeyli müddətdir ki, respublikamızda neft hasilatı ilə məşğul olan BP Azərbaycan şirkəti ilə sıx əməkdaşlıq edir. QSC iki dəfə BP şirkətinin “tullantıların idarə olunması” sahəsində keçirdiyi tenderlərinin qalibi olmuşdur. 2007-ci ildən başlayaraq, müqavilə əsasında QSC-nin “Parafinin təmizlənməsi” sexində BP Azərbaycan şirkətinin neftin hasilatı zamanı formalaşan ərsin parafinin təmizlənməsi uğurla həyata keçirilir.
BP şirkətinin “tullantıların idarə olunması” sahəsində keçirdiyi növbəti tenderdə isə “Ekol Mühəndislik Xidmətləri” QSC-nin təsisçisi olduğu “AAS-Ekol” MMC qalib olmuş və Şirkətin neftin hasilatı zamanı formalaşan neftli suyunun təmizlənməsi MMC-yə həvalə edilmişdir. Bu layihənin QSC-nin istehsalat sahəsindəki müasir təmizləyici qurğular vasitəsilə həyata keçirilməsi nəzərdə tutulmuşdur.
Bununla əlaqədar olaraq, sentyabrın 23-də QSC-nin istehsalat sahəsində neftli suyun təmizləyici qurğular vasitəsi ilə təmizlənməsinin sınağı keçirilmişdir. BP Azərbaycan şirkətinin Waste Managment Team şöbəsinin nümayəndələri Tahir Əliyev, Sitarə Sultanova, Nurlan Mahmudov, “AAS-Ekol” MMC-nin nümayəndələri Vaqif Əmrahov, Məlahət Useynova, “AzEkolab Laboratoriyasının və QSC-nin nümayəndələri sınağın keçirilməsində iştirak etmişlər.
Sınaq zamanı bütün proseslər prosedur qaydalara uyğun aparılmış və uğurla başa çatdırılmışdır. Sınaqda iştirak etmiş BP şirkətinin nümayəndələri ümumilikdə sınağın nəticələrindən razı qalmış və öz təkliflərini vermişlər.
tarix : 27.09.2010
|
|
|
|
|
|
|