|
QSC-də əmək şəraitinin təhlükəsizlik normalarına uyğunlaşdırılması, istehsalat zədələrinin qarşısının alınması və texniki təhlükəsizlik qaydalarına əməl olunması, bu işlərin beynəlxalq standartlar səviyyəsində təşkil edilməsi daimi diqqət mərkəzindədir.
Bu məqsədlə, QSC-nin istehsalat sahələrində bütün lazımı şərait yaradılır, işçilərin bilik səviyyələrinin artırılması istiqamətində müvafiq tədbirlər görülür, vaxtaşırı treninq və seminarlar təşkil edilir, təhlükəsizlik texnikası təlimatlarına uyğun dövrü olaraq işçilərin bilik səviyyələri yoxlanılır, əlavə təlimatlandırma və maarifləndirmə tədbirləri həyata keçirilir.
QSC- nin fəhlə kateqoriyasından olan işçilərinin texniki təhlükəsizlik üzrə biliklərinin yoxlanılması məqsədilə, 2010-cu il sentyabrın 27-dən başlayaraq növbəti imtahan keçirilir. İmtahanda Azərbaycan Respublikası Fövqəladə Hallar Nazirliyinin, Dağ Mədən Nəzarət Agentliyinin Neft və Neftkimya Sənayesində İşlərin Təhlükəsiz Görülməsinə Nəzarət şöbəsinin baş müfəttişi Tahir Əliyev, Azərbaycan Respublikası Sənaye və Energetika Nazirliyinin Dövlət Qaz Nəzarəti İdarəsinin dövlət müfəttişi Adil Nurməmmədov, baş direktorunun istehsalat üzrə müavini-texniki direktor Məzahir Hüseynov, QSC-nin aidiyyəti departament, şöbə və sahə rəisləri iştirak edirlər.
Keçirilən imtahanın nəticələri QSC-nin fəhlə kateqoriyasından olan işçilərinin texniki təhlükəsizlik qaydalarını və bu sahədə olan təlimatları dərindən mənimsədiklərini aşkar etmişdir. İmtahanın oktyabrın 5-də yekunlaşması nəzərdə tutulmuşdur.
tarix : 04.10.2010
|
ana səhifə
Satınalma
əlaqə
Futzal
Alternativ Enerji
Bu maraqlıdır
