“Ekol Mühəndislik Xidmətləri” QSC-nin əsas fəaliyyət sahələrindən biri də  ARDNŞ-nin Neft emalı zavodlarında, neftin emalı zamanı texnoloji proseslər nəticəsində  formalaşan sənaye-çirkab sularının təmizlənməsi və neftşlamın emal olunmasıdır. “Azərneftyağ” NEZ-da  bu işləri  QSC-nin Tullantıların emalı departamentinin (TED) 7-ci sahəsi həyata keçirir.

    2010-cu ilin 9 ayı ərzində TED-nin 7-ci sahəsində  texnoloji proseslərin  təhlükəsizliyinin təmin edilmiş, təmizləyici və emal  qurğularının fasiləsiz iş rejimində işləməsi üçün vaxtlı-vaxtında profilaktiki və cari təmir işləri yerinə yetirilmişdir.  Müvafiq dövrdə  TED-nin 7-ci sahəsində  “Azərneftyağ”  NEZ-nun 7 milyon 993 min m3 sənaye-çirkab suları təmizlənmiş, 7 min 467 ton neftşlam emal olunaraq  zərərsizləşdirilmişdir.

    7-ci sahədə təmizləmə və emal proseslərinin fasiləsizliyinin təmin olunması, payız-qış mövsümünə hazırlıq  və baş verə biləcək istehsalat qəzalarının qarşısının alınması məqsədilə məqsədyönlü tədbirlər həyata keçirilmiş,  qəza və ehtiyat anbarlarında təmizləmə və cari təmir işləri aparılmışdır.

    ARDNŞ-nin  “Sıfır tullantı” prinsipini əsas götürən və xidmət göstərdiyi istehsalat sahələrində ətraf mühitin mühafizəsi qaydalarına ciddi əməl olunmasını   qarşılarına məqsəd qoyan TED-nin 7-ci sahəsinin kollektivi qüvvələrini bu istiqamətdə səfərbər etmişlər.

tarix : 11.10.2010