Noyabrın 13-də QSC-nin baş ofisinin konfrans zalında rəhbər işçilərin və kollektivin nümayəndələrinin iştirakı ilə müqəddəs Qurban bayramı münasibətilə toplantı keçirilmişdir.
Toplantıda çıxış edən “Ekol Mühəndislik Xidmətləri” QSC-nin baş direktoru Ramil Əliyev, öncə dünya müsəlmanlarının mənəvi birlik və həmrəylik rəmzi olan müqəddəs Qurban bayramı münasibətilə QSC-nin bütün kollektivini ürəkdən təbrik etmiş, onlara ən səmimi arzularını bildirmişdir.
Ramil Əliyev toplantı iştirakçılarına müraciətlə qeyd etmişdir ki, Qurban bayramı islamın bir din kimi tamamlanması və mənəvi-əxlaqi qurtuluş yolu olaraq insanlara bəxş edilməsi ilə əlamətdardır. Bu günlərdə xalqımızın və dövlətimizin əmin-amanlığı və rifahı naminə etdiyiniz duaların, kəsdiyiniz qurbanların Tanrı dərgahında qəbul olunması arzusu ilə bir daha hər birinizə səmimi təbriklərimi çatdırıram. Arzu edirəm ki, bu nurlu bayram ailələrinizə xoşbəxtlik, süfrələrinizə xeyir-bərəkət gətirsin.
Toplantıda çıxış edənlər, baş direktorun məsləhətçisi Kamil Akimov, istehsalat üzrə müavin- texniki direktor Məzahir Hüseynov, Maliyyə və uçot departamentinin rəisi Əli Bağışov və başqaları da QSC-nin kollektivini müqəddəs Qurban bayramı münasibətilə təbrik etmiş və edilən duaların, kəsilən qurbanların Ulu Tanrıdan qəbul olunmasını arzulamışlar.
tarix : 14.11.2010
|