Futzal üzrə Azərbaycan çempionatı davam edir. Noyabrın 13-də isə çempionatın II-ci dövrəsinə start verilmişdir. Çempionatın I-ci dövrəsində “Araz” və “Neftçi” komandaları istisna olmaqla digər iştirakçı komandaları məğlub etmiş “Ekol” MFK, II-ci dövrənin ilk oyununu “Qarabağ” komandası ilə keçirmiş və rəqib komandanı 9:0 hesabı ilə məğlub etmişdir.
Noyabrın 16-da isə komandamız “Tərtər” komandası ilə görüşmüş və qələbə ənənəsinə sadiqliyini nümayiş etdirərək 9:0 hesabı ilə qələbə çalmışdır. “Ekol” MFK çempionatın II-ci dövrəsinin növbəti oyununu noyabrın 27-də Bakı İdman Oyunları Sarayında “Azmetko” komandası ilə keçirəcəkdir.
Xatırladaq ki, komandamızı futzal üzrə Azərbaycan çempionatının turnir cədvəlinə başçılıq edən “Araz” və “Neftçi” komandalarından yalnız 1 xal ayırır və hazırda “Ekol” komandası turnir cədvəlində 3-cü yerdə bərqərar olmuşdur.
“Ekol” MFK Azərbaycan çempionu titulunu qazanmaq üçün mübarizəsini əzmlə davam etdirir.
tarix : 18.11.2010
|