“Ekol Mühəndislik Xidmətləri” QSC-nin istehsalat sahələrində texnoloji proseslərin təkmilləşdirilməsi, yeni texnika və texnologiyaların tətbiq edilməsi ilə yanaşı, yaşıllaşdırma tədbirlərinin həyata keçirilməsi də daimi diqqət mərkəzindədir. Bununla əlaqədar olaraq, istehsalat sahələrində yeni yaşıllıq sahələrinin salınması, onlara aqrotexniki xidmət göstərilməsi məqsədilə təcrübəli mütəxəssislər, aqronomlar və bağbanlar bu işlərə cəlb olunmuşlar.
İstehsalat sahələrində yeni yaşıllıq zolaqlarının salınması, müxtəlif növ ağac və bəzək kollarının əkilməsi, becərilməsi ərazinin mikroiqliminə və atmosferə atılan zərərli tullantıların azaldılmasına müsbət təsir göstərməklə yanaşı, burada çalışan işçilərdə ruh yüksəkliyi yaradır və onların əmək qabiliyyətini xeyli artırır.
Payız mövsümü ilə əlaqədar QSC-nin Tullantıların emalı departamentinin 6-cı və 7-ci sahələrində, Zığ qəsəbəsi, Hövsan yolu ünvanda yerləşən qeyri-yaşayış sahəsində (A-4 qurğusu), və digər istehsalat sahələrində minlərlə ağac, gül və bəzək kollarının əkilməsinə başlanılmış və hazırda bu işlər davam etdirilməkdədir.
Ekoloji vəziyyətin yaxşılaşdırılmasında yaşıllaşdırmanın əsas amillərdən olduğunu nəzərə alan “Ekol Mühəndislik Xidmətləri” QSC, istər layihə sahələrində, istərsə də istehsalat ərazilərində yaşıllıqların salınması və becərilməsi sahəsində təxirəsalınmaz tədbirlər həyata keçirməkdədir.
tarix : 22.11.2010
|