Noyabrın  24-də “Ekol Mühəndislik Xidmətləri” QSC-nin  baş ofisində YAP “Ekol” ilk ərazi təşkilatının idarə heyətinin  və partiya üzvlərinin iştirakı ilə  Yeni Azərbaycan Partiyasının 18 illiyinə həsr olunmuş tədbir keçirilmişdir.

   QSC-nin baş direktoru çıxışına davam edərək bildirdi ki, YAP yaranmasından cəmi  6 ay sonra Heydər Əliyevin hakimiyyətə gəlməsi, Azərbaycanın müstəqilliyi üçün yaranmış təhlükələrin çox qısa zamanda aradan qaldırılması kimi şərəfli bir tarixə malikdir.

    Tədbir iştirakçılarını təbrik edən YAP “Ekol” ilk ərazi təşkilatının sədri Fəxrəddin Quliyev  bildirdi ki,   zamanın  tələbindən yaranmış YAP-nın  18 illiyi əslində müstəqil Azərbaycan dövlətinin  bu günədək keçdiyi şərəfli yolu əks etdirir. 18 il müddətində YAP, Heydər Əliyevin  müəyyənləşdirdiyi siyasət əsasında müstəqil Azərbaycan dövlətinin  qurulması, Azərbaycanın dövlət müstəqilliyinin  dönməzliyinin, əbədiliyinin və sarsılmazlığının  təsbit olunması ilə müşayiət edilən şanlı bir yol keçmişdir.

    Ərazi təşkilatının sədri F.Quliyev daha sonra  YAP-nın ölkəmizin daxili və xarici siyasətində, iqtisadiyyatımızın dinamik inkişafında və bütövlükdə bütün sahələrdə əvəzsiz rolunu tədbir iştirakçılarının diqqətinə çatdırdı. O, qeyd etdi ki, möhtərəm Prezident, YAP-nın sədri İlham Əliyevin  uğurlu siyasəti nəticəsində müstəqil, demokratik Respublikamız sürətlə inkişaf edir və partiyanın nüfuzu   gün-gündən artmaqdadır. Məhz bunun nəticəsidir ki,  bu gün YAP-nın sıralarında yarım milyondan çox  ziyalı və sağlam düşüncəli insanlar cəmlənmişdir.

    Təşkilat sədri “Ekol” ilk ərazi təşkilatının  say tərkibi və  fəaliyyəti haqqında  tədbir iştirakçılarına qısa məlumat verərək, partiya üzvlərinə gələcək ictimai-siyasi fəaliyyətlərində uğurlar arzuladı.

    Tədbirdə YAP-nın qurucusu, ulu öndər Heydər Əliyevin xatirəsi bir dəqiqəlik sükutla yad edildi.

tarix : 25.11.2010