“Ekol Mühəndislik Xidmətləri” QSC öz fəaliyyətində prioritet ekoloji layihələr həyata keçirməklə yanaşı, ekoloji maarifləndirmə xarakterli tədbirlərin mütəmadi keçirilməsinə və QSC-də çalışan işçilərin bilik səviyyələrinin artırılmasına da xüsusi önəm verir. Bu tədbirlərin davamı olaraq, işçilərin peşə hazırlığının artırılması və ekoloji biliklərin mənimsənilməsi məqsədilə, “2010-cu ildə QSC-də çalışan işçilərin istehsalat sahələri üzrə maarifləndirilməsi proqramı” nın təsdiq olunmuş qrafikə uyğun icrasına başlanılmışdır.
QSC-də çalışan işçilərin maarifləndirilməsi məqsədilə təşkil edilmiş seminarlarda rəhbər işçilərin, mütəxəssislərin və mühəndis - texniki işçilərin iştirakı ilə, qarşılıqlı dialoq əsasında sosial, maddi-texniki, hüquqi, elmi-texniki və ekoloji faktorların istehsalatda rolu, texniki təhlükəsizlik və daxili intizam qaydalarına əməl olunması şərtləri geniş müzakirə edilmişdir.
Tədbir iştirakçılarına “Ekol Mühəndislik Xidmətləri” QSC-nin ümumi siyasəti və həyata keçirdiyi ekoloji layihələr haqqında ətraflı məlumat verilmiş, ekoloji biliklərin hər bir kəsin mədəniyyətinin və dünyagörüşünün ayrılmaz hissəsi olduğu onların diqqətinə çatdırılmışdır. İşçilərin maarifləndirilməsi sahəsində tədbirlər davam etdirilir.
tarix : 02.12.2010
|