ARDNŞ-nin təsdiq olunmuş tədbirlər planına uyğun olaraq, “Azneft” İstehsalat Birliyinin “Abşeronneft” NQÇİ-nin mədən ərazilərində, çirklənmiş torpaqların rekultivasiyası və bioremediasiyasi layihəsi üzrə “Ekol Mühəndislik Xidmətləri” QSC-nin həyata keçirdiyi işlər geniş vüsət almışdır.
Qeyd edildiyi kimi, layihənin birinci mərhələsində QSC-nin Torpaqların rekultivasiyası departamenti tərəfindən, “Abşeronneft” NQÇİ-nin mədən ərazisinin 5 hektar sahəsindən 20 min m3-ə qədər neftşlam çıxararaq bioremediasiya sahəsinə daşınmış və texnologiyaya uyğun olaraq bioremediasiya proseslərinə başlanılmışdır.
Layihənin ikinci mərhələsində isə, QSC “Abşeronneft” NQÇİ-nin 8.4 hektara qədər çirklənmiş ərazisində rekultivasiya işlərinin aparılmasına və 18.6 min m3 şlamın ərazidən çıxarılaraq bioremediasiya olunması işlərinə başlamışdır.
Bununla əlaqədar olaraq əraziyə lazımı texnika və işçi qüvvəsi cəlb edilmiş, işlərin operativliyi təmin olunmuşdur. Qısa müddət ərzində bu ərazidən 11 min m3-ə qədər şlam çıxarılaraq bioremediasiya sahəsinə daşınmış, həmin əraziyə 11 min m3 ştib, 1000 m3-ə torpaq gətirilərək yayılmışdır. Tezliklə bu sahəyə 9 min ədəd mühitə davamlı ağac və bəzək kolların əkilməsinə başlanılacaqdır.
“Abşeronneft” NQÇİ-nin layihə ərazisindəki bioremediasiya sahəsində də işlər öz axarı ilə və uğurla davam etdirilir. Texnoloji proseslərə uyğun olaraq sahəyə daşınmış şlam yayılaraq saman və üzvü gübrələr verilmişdir. Yaxın günlərdə bioremediasiya sahəsində şumlama işlərinə başlanılması nəzərdə tutulmuşdur.
tarix : 08.12.2010
|