“Ekol Mühəndislik Xidmətləri” QSC  texnoloji prosesləri təkmilləşdirməklə və müasir qurğu, avadanlıqları istehsalata tətbiq etməklə fəaliyyət sahələrində keyfiyyətin yüksəldilməsini və səmərəliliyin artırılmasını daim  diqqət mərkəzində saxlayır. Bununla əlaqədar olaraq, dünyanın qabaqcıl texnika və texnologiyalarının  və istehsalata tətbiqi məqsədilə QSC ilə tanınmış xarici şirkətlər arasında əlverişli əməkdaşlıq münasibətləri qurulmuşdur.

     Hazırda  neftşlamı emal edən, məhsuldarlığı 30 m3/ saat olan, İsveçin  “Alfa-Laval” şirkətinin 2 fazalı dekantor qurğusu, Almaniyanın “Börger” şirkətinin gücü 500 m3/saat olan nasosları və digər tanınmış xarici şirkətlərin  müasir qurğu və avadanlıqları QSC-nin istehsalat sahələrində uğurla istismar olunur.

     Bu gün isə QSC-nin maddi-texnika bazasına ən müasir qurğulardan biri,  Hollandiya istehsalı, məhsuldarlığı 20 m3/saat olan 3 fazalı modul dekantor qurğusu da əlavə olunmuşdur.  Yeni qurğunu tətbiq etməklə, emal olunan neftşlam 3 fazaya: neft qarışığı, su və mexaniki qarışıqlar fazasına ayrılacaqdır ki, bu da öz növbəsində emalın keyfiyyətinin yüksəlməsi və iqtisadi səmərəliliyin artırılması ilə yanaşı,  ekoloji vəziyyətin yaxşılaşdırılmasına da öz müsbət təsirini göstərəcəkdir.

tarix : 10.12.2010